白熊男
2017-06-08 18:50:18
與貓同行2 - 三人行
「玲負責搵貓屋附近三個街口。如果可以再檢查多一次貓屋,睇下有無其他線索。」
「kevin 同我, 會分別去呢兩個地方。」
地圖上有兩個區域畫上了貓咪標記。
第一個是貓屋以北的「三里橋」,第二個是貓屋以南,盛傳鬼故的「重陽大廈」。
「我曾經同貓澪去過呢兩個地方,佢有機會係呢附近出現。」
「我要去橋果邊!」
kevin 很堅決。
「得,我去大廈,但係橋果邊需要注意」
「注意咩」
「呢個你去到就明。總之呢兩邊係我地最大機會今晚搵番澪既地方,所以唔好放過任何角落。」
「熊熊...」
玲似乎發現了什麼。
「有問題?」
「我岩岩番來貓屋果陣,門口又放多左樣野」
玲從外套的前袋中掏出了一塊染黑的玫瑰花瓣,
她把花瓣交到了我手中.
「黑花瓣...」
澪的失蹤是有計謀的嗎? 又是誰留下這種曖昧的提示?
「上面有我同家姐用開果隻洗頭水味」
澪的洗髮水? 這是她的隨身物嗎?
「唔好太擔心」
我感覺到玲的不安。
「我會搵到佢。」
「花?點解關花事?」
kevin 還未看過貓屋後的標記。
「唔通澪係跌左係花叢,定係附近啲花園?」
「我諗公園唔會種玫瑰花」
這明顯是種暗號或指示,是我看漏了什麼嗎?
「花呢點番來再傾。但係 kevin 係時候到你出手」
「我仲要做咩?」
我指一指他滿滿的口袋,露出一個燦爛的笑容。
比起計劃,我們更需要運氣。