午餐係食鹿兒島好出名既六白豬
Btw隻豬叫六白豬係因為佢全身都係黑色 得六撻地方係白
個飯同仲上面既料係任裝
同埋佢聲稱d雞好似係奄美雞
食唔出有咩分別
但個扒又真係炸得幾好食既
同埋個飯本身好似要加埋d湯定茶黎變泡飯
但我搞左成分鐘都打唔開個保溫煲
就收左皮了
落狗屎雨就唔踩單車啦
十日冇搭過交通工具同冇見過咁多人
就黎有人群恐懼症
落雨去得邊?
天文館囉
就好似縮細版既心齋橋
冇乜野好行
行行下經過間賣薩摩炸魚餅既月揚庵
但鬼掩眼冇買到魚餅買左兩粒其他野
Btw薩摩係鹿兒島以前既名
麵粉包住既辣蟹子
同銀帶䤵(好似係鹿兒島先有既魚)包住既麵粉
咦咁我係唔係算係食左炸魚餅
但結論係
唔好食
冇野好做就返返去中央車站行左陣
行到差唔多4點就返左hostel
呢個時間有得checkin啦掛
順帶一提 個host直至我返到去前一刻都冇覆我email
日本周圍都有既摩天輪
返到去 個host好似乜事都冇咁同我checkin同埋介紹設施
而且仲感到佢好莫名其妙地唔友善
算啦 鬼叫佢平咩 一晚1500円即係港幣100蚊多d一晚
同埋好近中央站
抖下洗埋衫就已經7點
夠鐘同個日本人去屋台村食野
成二三十間點揀
問佢想食咩佢話就我 我叫佢揀一間佢覺得好既佢又唔揀
所以就是但入左一間
個日本人住係千葉既
之前去過英國讀左一年英文就quit左u
之後就去澳洲打工換宿左一年
返到日本就去左北海道hitchhike黎九州
過幾日就返千葉搵工 著返老西做返上班族 同唔會再咁樣去旅行啦喎 話因為要照顧兩老
Cheers
仲要打邊爐 加埋個銀帶䤵刺身
佢話shabu shabu 之所以叫shabu shabu因為淥野食果陣要講shabu shabu先得喎
雖然呢番說話係係佢三杯黃湯下肚之後講既 但信住先囉
就食完果陣佢發現佢有兩個尋日識既fd黎左我地坐緊間舖
坐左係出面檯食緊
就問我要唔要一齊出去吹下水啦
我就冇乜所謂 咪出囉
點知埋單果陣佢話要請我
咁我梗係推左佢啦 無功不受祿呀大佬
點知佢就話:
遲d我去香港.....呀唔係我唔會去香港嫁啦 又或者你黎千葉(講完佢又覺得我冇可能去千葉
)點都好啦 呢餐我一定要請你 就當幫你打氣啦
講到連個老細都話要我比佢請咁就冇辦法啦
只好同佢講句 拿唔知你酒醒未 但聽日唔好訓醒發現冇左咁多錢以為我打劫你呀
就出去同佢果兩個fd繼續飲野
諗返起都唔係幾好意思 都5000幾円嫁
果兩個係美國人黎 一個去左台灣做翻譯 一個去左泰國教英文
所以吹水晚大部分時間都變左language lesson
用日文普通話泰文廣東話講粗口數一至十之類之類
傾計傾到人地收舖
埋單果陣 今次飽得濟冇食野又冇飲野
唔洗比錢就正常啦
點知佢地夾完錢多左500円出黎之後想比我 叫我係路上口渴買水飲
喂唔好啦大佬 我個樣有冇咁窮呀
今次真係再三拒絕
差d拎果500円扔鳩佢地 佢地先肯收手
呢晚過得幾爽 雖然返到去成點幾鐘 沖埋涼兩點 第二日又要8點起身
但好耐冇同人講過咁多野
睇完幫手推推po啦