但好重要嗰一點係，通常運河邊嘅路況都係……不如一槍打死我。
甚麼叫絕望？抬起眼望望
一入侯門深似海，通常呢啲路一開頭係冇乜嘢，但當你踩到咁上下，見到呢啲路嘅時候，就會發現回頭已是百年身，根本只有頂硬上，以我為人係絕對唔會踩返轉頭，寧願默默咁暗屌個天，希望呢種爛路快啲完。
明明就係超過一半就算唔係爛，都係會dup吓dup吓咁踩到腰痛……嗱不過老實講，畀德國同荷蘭縱壞咗，當時嘅我踩返上馬路竟然會怯，有時明明有得返上馬路，我都選擇繼續踩運河。
睇落冇乜，踩落其實好撚震
比利時蜑家人
釣～～～～魚翁
運河邊上通常隔一陣就會有條小村，有幾間屋仔咁，如果住喺度其實都幾寫意，起碼條河唔係臭先。
想折磨多我幾耐？
正宗「進退失據」
雖然運河路路況麻麻（梗係啦，人哋都唔係純粹單車徑，只不過係休閒小徑），但佢都係經過規劃，通常只有一邊有路，按需要佢會有條橋畀你駁過對面繼續，方便返附近嘅人，你話佢貼心咩？我話佢麻撚煩。
然後整路喇，要走人
呢類單車徑好過冇啦
盪失路，要靠阿叔帶路
咁先係㗎嘛！
事實上，過咗荷蘭之後，好多時單車徑都只係一條與行人共用嘅小徑，即係緩跑、散步等等都可以喺度進行，所以唔好expect佢會鋪得好靚。更誇張嘅係，我見過幾次有人騎馬，試過見過條女喺度訓練緊隻馬，衝一段又慢行一段咁，背面睇好似幾索，我即刻迪路菲奧爆佢，為求一睹廬山真面目，不過冇圖。
騎馬都行得，證明附近有人養馬
上咗呢條小坡，就係法國！
開墾嘅季節
終於嚟到倒數第二個國家，亦係唔少單車旅行前輩選擇嘅終點──法國。環法就聽得多，理應呢個係一個非常熱愛單車嘅國家，究竟事實係點呢？佢哋又係咪好似傳說中咁浪漫呢？我又可唔可以喺巴黎鐵塔反轉再反轉嘅發源地獻出我嘅初吻呢？
下一集，我哋一齊用砵仔糕醫治陽痿。
