麻甩佬就話鍾意「巴黎鐵塔反轉再反轉」吖,咁港女嚟到Paris,又應該去邊度朝聖?L勞we?錯唔晒,但講到打卡呃like,肯撚定係情人橋!沒有之一!
走上塞納河畔,唔難發現零零舍舍有一條橋嘅欄杆位鎖滿晒鎖頭,呢條當然就係港女至愛嘅情人橋。
唔好以為染咗金毛就認唔到你係港女呀
老老實實,一條毒撚嚟到呢啲街裡愛人一對對同埋三五知己媾緊女嘅地方,總係覺得自己格格不入,好彩,我仲有忍者龜,可以玩吓佢個大龜頭。
媽,好毒呀
嚟到情人橋,個撚個都鎖返個鎖上去,好似唔鎖就證明唔到自己嘅愛情咁,我都唔執輸,為咗證明我對忍者龜嘅愛,我將一路從香港以嚟陪住我、鎖住忍者龜等佢唔會畀人偷嘅cheap cheap單車鎖扣咗上去,仲set咗個密碼做520。
冧唔冧先?
帶住呢把濕鳩鎖都冇畀人偷車,我都算好彩
連登同舊登成日都有人開post問,最誇張嗰次係一個人做啲乜,咩睇戲呀,打邊爐呀,唱K呀……屌靜啲啦,我一個人去情人橋呀!
情人橋呀!嗚……
扮演完多愁善感嘅單車情聖之後,我沿住塞納河向住戰神廣場方向進發。吖又凱旋門又戰神廣場咁,你班紅酒閪咁撚好戰嘅?
戰神廣場其實就係巴黎鐵塔下嘅一塊超大草地,只要天氣好,當地人都會帶張毯過嚟野餐。我都唔例外,但唔同嘅係,今次我佳人有約。
塞納河邊嘅街道
全部人都係嚟攤唞嘅!
佳人叫Cathy,係我一位讀者。Cathy知道我嚟咗Paris,喺法國working holiday嘅佢特登約我出嚟野戰……吖唔係,係野餐先真,仲提早準備定啲食物,等我做大爺。
Cathy係一個護士,不過本住趁後生,想早啲睇吓呢個世界,就辭咗職過嚟法國working holiday。同佢坐咗喺草地成個下晝,東西南北,講吓香港,講吓外國,講吓流動式同長駐一個地方嘅異地生活,時間過得好快。
就好似我嘅旅程一樣。我諗,仲有三日,我就要到英國,要到London。
唔知到時會係點?