文仔篇(第九篇)
---------------------------------
「嗚嗚…嗚…..」係黑暗中,我聽到低鳴係由飯台下傅來。 原來monkey係台底下發出既。
「Monkey…. 做咩事啊?」 依種低鳴係狗隻面對驚嚇時所發出既聲音,我打算去安撫佢。 但Monkey突然對靠近既我吠叫,很兇琵地跑來跑去在客廳里亂叫,好似唔想我走近佢咁。
「喂…. Monkey唔好嘈…..」 我大聲叫停Monkey! Monkey係一隻金毛尋回,我已經養左佢5年多,已經係一隻老人家,我從來冇見過佢會咁亂叫亂吠。
「Whathappen Sir?」工人係廚房內出左黎。 Monkey竟然走左去工人身旁。 雖然我好耐冇返屋企住,但你隻衰狗竟然吠我仲同工人咁FRD!!! 可惡。
「No, I feel hungry only! Any food for me?」 我有點不悅Monkey跟左工人。
「OK sir please wait!」 工人去左拎野食。 依個時候monkey又走過黎我度嗅下我身體!!
「衰仔,唔係度住一排你就唔記得我,正死仔包!!!」 我捉住monkey個頭兇佢!!!
Monkey好似明我話梗佢咁,低頭發出低鳴聲。 今次既鳴叫同頭先唔同,似係對我認錯咁。
工人好快手煮左個公仔麵比我食,食完我同Monkey玩左陣就上樓訓。
點知一訓上床,又聽到有人聲,今次介要係我耳邊講,但我打開眼又望唔到有野! 唔通係醫生D藥太強勁????
唔知做咩事訓左一日都仲係好頭痛,我都冇深究D聲音。 我就訓著左。 到訓左唔知幾耐,我竟然又再次發起夢。 係我下午時間發既夢,我見到有3個BB仔係我身上,佢地慢慢爬到我面前,之後3個一齊用佢對對慘白色既手扼實我條頸!!!
但我反抗唔到,我手腳都動彈不能,我只能夠眼白白睇住自己比佢地3個扼住條頸…. 我開始透唔到氣慢慢失去意識。
-----------------------------------
「阿仔….阿仔….. 喂….阿文…..」 我媽媽叫醒左我。
「啊…. 早晨!!」 陽光由屋外射到我眼簾。「做咩事啊媽….」
「你條頸D印做咩深左!!!!!」 阿媽荒失失咁望住我頸部。
我彈左起身去照鏡!!! 我被頸上既紅印嚇呆了。 係好明顯有D小手印係頸上,好似係比D小朋友印左D手掌上去一樣。