一世人流流長,總會愛上幾個……

993 回覆
208 Like 21 Dislike
2017-08-17 12:58:19
又動感情
2017-08-17 14:25:56
「尋晚瞓得好唔好?」09:35.

近一兩日午夜夢迴,我見返一啲已經離開咗我生命嘅人。呢一幕見到前度陪我海旁散步,下一幕場地不變,但眼前人就變成最後不了了之嘅曖昧對象。

唔通「日有所思,夜有所夢」係真嘅?但與其話我掛住佢哋,不如話我慨嘆身邊人又已經換成下一個。一年之間,由Wallace變成Aidan,再由Aidan變成Timothy⋯⋯我個心好似有啲攰啦。

「麻麻哋啦,半夜醒咗幾次。」09:36.

「有心事?」09:37.

上網識朋友,最大好處係彼此無共同圈子,講嘢唔需要顧忌,甚至可以放心傾心事。就算有,都只係極少數。

但我而家對佢好似有少少好感。咁無理由照直同佢講,我瞓得唔好係因為慨嘆自己嘅感情生活啩?

「好少事咋嘛。」09:39.

「唔講得咩事?同你分擔吓吖。」09:42.

「諗起幾個朋友啫。」09:45.

「其實就算只係朋友關係,都要雙方努力㗎。就算你好想,對方唔理你都無用。」09:48.

「件事發生咗無幾耐,一時間真係好難釋懷⋯⋯但係好多謝你呀。」09:50.

呢頭先話唔好話佢知發生咩事,轉頭就好想話佢聽我嘅感受。點解佢好似有種令我想同佢交心嘅魔力?

「你今晚有咩做呀?」09:52.

「想約我?」09:54.

「係呀,得唔得?」09:56.

雖然佢安慰咗我一下,但邊會咁易得逞。

「唔想畀你睇到我唔開心個樣喎,下次有機會先吖。」09:59.

「嗱,當你應承我下次㗎啦。」10:01.

「下次下次,」10:03.

我繼續打,

「下次大概可以。」10:03.

「做咩自己講埋下一句㗎?」10:05.

下次下次,下次大概可以,能碰著誰,成為幸福小姐一次?
2017-08-17 14:28:18


多謝你呀
都可以加吓佢哋溫嘅
2017-08-17 14:28:31
我愛樓主

我都愛你
2017-08-17 14:29:54
Regina 好正

妹仔大過主人婆
2017-08-17 14:30:33
又動感情

這個世界最壞罪名叫太易動情
2017-08-17 16:07:45
咁易信人
2017-08-17 16:22:30
打1
2017-08-17 16:22:59
??
Z?
8??:
2017-08-17 16:28:24
Z
2017-08-17 17:43:50
返左黎要勤力啲啦 好嗎
2017-08-17 18:29:28
返左黎要勤力啲啦 好嗎

好嘅,打緊㗎啦
2017-08-17 19:52:03
有時候,流行歌詞實在太會寫出人類複雜嘅情感。開心可以聽歌,唔開心都可以聽歌,將所有心事交畀音樂代為抒發出嚟。

正當我以為話題已經完結,想收埋部電話嗰陣,手中忽然又傳嚟一下震動。

「你有咩唔開心,其實可以同我分享㗎。不過我只不過係陌生人,你唔想講嘅話,我唔會逼你。」10:10.

「所有關係都由陌生人開始,話唔定我哋以後會成為好朋友呢?」10:12.

人出世後,第一個認識嘅一定係屋企人。之後開始返學,會認識幼稚園、小學、中學、大學同學。再跟住出嚟社會,會認識同事、上司,仲有好多好多透過其他途徑認識嘅朋友。

原來,人嘅一生中不停建立緊唔同嘅人際關係。建立之後又會有唔同嘅發展,結果可能會成為好朋友、知己,又或再次做返陌生人。

唔知我同Timothy嘅結局又會係點呢?

「咁希望你唔好再唔開心啦,朋友仔。」10:14.

佢繼續打,

「話時話,你幾時生日㗎?」10:15.

「六月。」10:17.

「你真係好保護自己。正常人哋問你生日應該都會答幾月幾號啩?」10:20.

我嘅心思,居然畀佢一眼睇穿。

「我真係覺得你越嚟越有意思!」10:21.

一路以嚟,我對佢諸多隱瞞,表面上係玩嘢,實質上其實係唔想畀自己又太容易全情投入一段關係。但反而令佢覺得我好有神祕感,更加想了解我。
2017-08-17 20:09:49
百四正評!!
再次多謝巴絲嘅體諒同支持

之前講過呢部分係我最想寫嘅
但我覺得近幾篇都寫得唔好
對自己有啲失望

不過點都好
我唔會放棄呢個故
繼續努力度度佢
2017-08-17 22:23:37
2017-08-18 00:13:21
「唔係啩,真係第一次有人咁讚我。」10:24.

「唔駛驚喎,我又無話要追你。」10:26.

做咩啫,我都無諗過你要追我。

「係喎,你有無Instagram呀?」10:27.

「梗係有啦,後生女嚟㗎嘛。」10:29.

「畀我得唔得吖?」10:30.

「isabellalam0612.」10:30.

奉勸各位天真嘅男士,如果你有女性朋友平時乜都唔肯,但有日突然好順攤咁應承你某啲事,背後一定、一定、一定無咁簡單。

「原來你十二號生日。」10:31.

「係呀。」10:34.

「加你得唔得?」10:36.

「畀完你就得一想二!」10:38.

我Instagram嘅隱私設定為私人,只有我同意先可以睇到入面嘅內容。

「畀完唔加得,咁等於畀咗?」10:39.

「咁你話,我係咪有畀名你先?」10:41.

「哼,你好嘢呀下!」10:43.

我好似傻婆咁,拎住部電話喺街度大聲笑咗出嚟。佢嘅反應真係好得意,令我好想繼續用呢種玩嘢嘅語調同佢傾落去。笑笑吓,我眼角竟然慢慢滲出淚水,諗起自己已經好耐無笑得咁開懷⋯⋯

踏入社會之後嘅日子,好似比讀書嘅時候過得快。每日返工、放工、沖涼、瞓覺,機械式嘅生活令我對時間嘅概念越嚟越模糊。

有一晚,我瞓喺張床嘅時候,諗返起初認識Timothy嗰陣,原來距離而家已經有兩個月。

叮。

一諗起佢,佢就搵我。

「瞓未?」23:42.

「準備啦,做咩?」23:45.

「想打畀你傾吓計,得唔得?」23:47.
2017-08-18 03:51:39
2017-08-18 11:17:02
琴日一口氣追到live
但後悔左太早入黎
2017-08-18 11:27:58
然後,電話已經即刻響起。

之前只有佢錄音畀我,我從來無錄過音畀佢,所以只有我先知佢把聲係點。佢把聲唔算低沉,但又未到高亢,講說話嘅語氣幾似小朋友。

識咗咁耐,今次係我哋第一次傾電話,即係佢第一次聽到我把聲。諗到呢度,我不期然清清喉嚨,再接聽佢嘅來電。

「喂?」

「喂?瞓唔著呀?」

「似係你瞓唔著,打嚟阻住我瞓多啲喎?」

「擺明就係我知你實瞓唔著,特登打嚟同你傾計啦⋯⋯終於聽到你把聲,好好聽。」

「原來打嚟就係想聽我把聲呀?」

「鬼叫你唔肯錄音咩!打電話嚟,你唔會唔聽啦啩?咁我先聽到把咁甜咁嗲嘅聲咋。」

咁甜咁嗲嘅聲?

從來無人話過我把聲又甜又嗲,點解佢會咁講?呀,我知啦⋯⋯肯定係第一次聽佢電話太緊張,唔小心講嘢高音咗⋯⋯

「咁而家咪聽咗囉。」

「你仲因為你位朋友而唔開心,瞓唔著?」

我無出聲。

雖然自從識咗佢之後,我對前事已經放開好多,但我唔想同一個有好感嘅男仔分享太多過往嘅感情生活,怕佢介意、怕佢以為我未放低。

佢見我無出聲,就繼續講,

「我都好想有個人為咗我瞓得唔好⋯⋯」

「咁樣真係好咩?」

「起碼有人重視我吖⋯⋯如果有一日我消失咗,你會唔會都咁唔開心㗎?」

「會。」

「放心,我唔會離開你。」
2017-08-18 11:30:24
琴日一口氣追到live
但後悔左太早入黎

歡迎你呀新讀者
唔算早㗎啦
已經開咗故差唔多兩個月
2017-08-18 12:59:41
總覺得 timothy都會sad end
2017-08-18 15:38:05
之後,我哋傾咗好多無聊話題,譬如今日返工啲客有幾麻煩、同事有幾卸膊、上司有幾惡頂,又會講吓自己今日食咗啲咩、買咗啲咩呀咁。

我攤喺床上面,轉身望一望個鬧鐘,原來而家已經係凌晨兩點幾。聽朝我返八點半,即係最遲七點起身,但話筒另一邊嘅人似乎絲毫未有睡意。

呵欠。

「你係咪眼瞓啦?」佢聽到我打喊露,問。

「少少啦。」

「咁收線啦,唔夠瞓變咗熊貓就唔靚㗎啦。」

我雖然真係有啲眼瞓,但居然唔想收線。

「喂?咁快瞓著埋啦?」

「未⋯⋯未呀。」

「你收線先啦咁,我唔會收女仔線㗎。」

之不過係我仲未想收線住啫⋯⋯

「做咩呀?唔捨得收線呀?」

「咩呀⋯⋯唔係囉!」

「咁而家快啲收線瞓覺,我聽晚打畀你再傾過啦。」

「嗯⋯⋯早抖。」

「早抖啦!」

跟住,我就把心一橫收咗佢線。如果唔係咁,我真係怕佢會再次識穿我嘅心思。

我搵返同佢嘅通話紀錄嚟睇,原來我哋足足傾咗兩個鐘有多。雖然無咩深度交流,但就知多咗好多關於對方嘅各種平凡事。

第二日,我同好多打工仔一樣,依舊過住無聊而重複嘅騾仔生活,一路打住喊露,一路湊住啲客。但今日嘅我比以往多咗一份期盼,希望到夜晚嗰陣佢真係會再打畀我。

結果,佢真係有再打畀我。

「其實,你會唔會都想見我呀?」
2017-08-18 15:38:40
總覺得 timothy都會sad end

咁要睇到最後先知啦
2017-08-18 15:41:54
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞