一世人流流長,總會愛上幾個……

993 回覆
208 Like 21 Dislike
2017-08-18 15:49:46

做咩唔開心?
等叔叔開解吓你
2017-08-18 15:55:30
終於live到
樓主加油
2017-08-18 17:10:09
2017-08-18 20:28:40

唔好再遇到仆街啦
2017-08-18 23:26:26
終於live到
樓主加油

多謝
其實一次過追到live要幾耐
2017-08-18 23:27:08

唔好再遇到仆街啦

Sorry啱啱返到屋企
沖埋涼就會打文
2017-08-19 00:22:30
無言
2017-08-19 00:52:03
我畀佢突如其來嘅問題嚇親。

老實講,我明知自己對佢有好感,又點會無諗過見面?只不過,正正因為我明知自己對佢有好感,先至會認為見與唔見並唔係好似非黑即白咁直接。

原因其實好簡單。第一,即使我哋已經傾咗一段日子,但始終係網友關係,我根本未完全認識佢嘅為人,自然擔心佢另有所圖;二嚟,網絡形象同真人點都有啲出入,出嚟見面未必好似隔住電話咁好傾,見得面就要承擔得起當中嘅落差。

佢見我又唔出聲,就串我話,

「你咁得意嘅?要講電話但又成日唔出聲。」

「喂,問你一個問題吖。」

「問啦。」

「你係咪已經習慣咗同我傾計啦?」

「都係㗎,有時都會掛住你⋯⋯做緊咩。」

「咁點算好呀?」

「無點算㗎喎,順其自然囉。」

「咁唔好傾咁多咪得。」

「咩意思?」佢把聲沉咗一沉。

「不如我哋玩個遊戲⋯⋯」我稍有停頓,「鬥耐唔搵對方。」

「點解要咁呢?」

我知道,佢一直好想同我見面。但如果我今次再藉故拒絕,再一日拖一日都唔肯相見嘅話,佢遲早會對我失去興趣。

與其要我眼白白望住呢段關係慢慢冷卻至冰點,不如我而家就狠下一次心腸,將呢段回憶永遠封鎖喺沸騰嘅沸點之上。

「唔⋯⋯因為我唔想太依賴你。」

「我認輸,我唔想玩。」

「我哋過埋今晚先開始遊戲。咁快就認輸?」

「你真係要玩?」

「嗯。」我盡量扮演堅決嘅語氣。

「好。」

「咁⋯⋯你有無說話想同我講?」
2017-08-19 00:52:28
無言

點解呀?
2017-08-19 01:31:04
玩唔玩個驚 見唔見面 佢都會慢慢失去興趣然後抽身
2017-08-19 01:36:42
我成日都玩 自私玩 但最後忍唔到手個個係自己
2017-08-19 01:43:41
2017-08-19 01:45:02
好想識樓主
2017-08-19 01:56:06
玩唔玩個驚 見唔見面 佢都會慢慢失去興趣然後抽身

Feel到一陣淡淡嘅哀傷⋯⋯
巴打頂住呀
2017-08-19 01:57:15
我成日都玩 自私玩 但最後忍唔到手個個係自己

因為你比對方更著緊你哋之間嘅關係
I know that feel
2017-08-19 01:59:36

有呀
可唔可以唔好下下都咁中
2017-08-19 02:00:26
好想識樓主

嚟,握握手做個好朋友
2017-08-19 08:32:47
新讀者lmlm
樓主快啲出
2017-08-19 11:40:36
新讀者lmlm
樓主快啲出

多謝!
放假啱啱瞓醒 等多陣!
2017-08-19 12:37:18
2017-08-19 12:45:53
「我想同你講,雖然我哋認識嘅方法好兒戲,但我哋都傾咗咁耐計,你應該好清楚我哋啱唔啱傾⋯⋯」

佢稍有停頓,然後把聲變得更加低沉,

「你要記住唔好再咁易唔開心,唔好成日咁夜瞓啦⋯⋯熊貓係好可愛,但靚女咪仲可愛。以後呢,未必再有人好似我咁,知你瞓唔著就特登打嚟同你傾計㗎。」

聽到呢度,我嗤咗一聲,笑佢到最後都要搵位自誇一下自己。

「嗯⋯⋯仲有無呀?」

「有。識到你,我好開心。」

以我哋平日嘻嘻哈哈、無啲正經嘅溝通方式,我實在預計唔到佢會突然講呢句咁感性嘅說話。我感覺自己鼻頭一酸,眼眶頓時濕潤起嚟,聲線似乎要變得沙啞。

「咳⋯⋯我都一樣。」

跟住,我哋嘅對話陷入一片沉默。

直到差唔多十二點,我又再次鼓起勇氣扮演最後一次堅決嘅語氣。縱然我內心入面有幾多掙扎,絕對唔可以畀佢知道。

「十二點啦,我要瞓啦。」

「嗯。」佢好急促咁講,「拜拜。」

「拜拜。」

我嘅大腦不停發送訊息,唔係,命令畀我隻右手:收線、收線、收線。終於,我成功喺講完呢句道別之後即刻用右手掛斷對話。

我手中仍然緊握電話,但唔敢打開WhatsApp,睇佢嘅最後上線時間。我諗佢亦都一樣唔會睇我,因為我前排已經熄咗。更何況,佢係男仔,應該唔會做呢啲咁女仔先會做嘅嘢。

「林書予呀林書予,堅持絕對唔比決絕容易呀。呢個咁嘅遊戲係你諗出嚟嘅,但今晚先第一晚已經咁難捱,跟住點算好呀?」

我無辦法回答得到自己嘅問題。我只好揭起張被拉到上頭頂,緊緊包實自己喺被竇入面,咩都唔再諗。
2017-08-19 13:04:29
差d唔記得左女主角個中文名

個男仔又係度扮真心,明明就player! 你估呃得到我咩
2017-08-19 17:09:38
差d唔記得左女主角個中文名

個男仔又係度扮真心,明明就player! 你估呃得到我咩

你哋嘗試信吓有好男仔啦
2017-08-19 18:21:30
鈴、鈴、鈴。

第二朝,煩人嘅鬧鐘一響,我即刻伸手去床頭按熄佢。一個轉身摸到部電話,自然反應地攞上手亮起屏幕一睇。無未讀訊息。

嗯,佢真係聽我話,同我玩呢場遊戲。

搭緊車途中,好多低頭族只係睇電話覆訊息,完全無一刻留意過車窗外嘅風景。尋日,我仲係佢哋一分子,掛住同電話入面另一邊嘅人傾計。但今日,我放低咗電話,呆望住外面一幢又一幢高樓大廈向後掠過。

返緊工嗰陣,我瘋狂畀客鬧唔係拎錯款,就係拎錯碼,再唔係就拎錯色。開工未夠一個鐘,同事已經頂我唔順,叫我行埋一邊幫手執頭執尾。

叮。

我隱約聽到電話響咗一下訊息聲。我好緊張咁即刻喺褲袋拎部電話出嚟,亮起屏幕。無未讀訊息。

「Isabella!你第一日返工咩?」

咁啱日理萬機嘅主管今日落嚟巡舖,又咁啱畀佢捉到我睇電話,

「返工唔睇得電話㗎嘛,唔係仲要人教呀?仲有,電話不嬲都要校咗靜音先好開工。我駛唔駛搵人再由頭教過晒你啲規矩?」

「唔⋯⋯唔駛。」

我將電話校做靜音,然後收返落褲袋。等佢行開之後,附近有個比我高級少少嘅同事即刻走埋嚟我身邊。

「唔好意思呀,頭先其實係我電話響,但搞到你畀人鬧添。」

「唔緊要。」我微微一笑。

「你無嘢呀嘛?平時唔係咁㗎?」

職場上,任何時候、任何事情都小心為妙。出嚟社會做嘢一排,我已經深深體會到同事同朋友始終有分別。熟與唔熟都好,同事絕對唔係合適嘅傾訴對象。

「無嘢,無嘢。遲啲再傾啦,一陣畀人見到以為我哋蛇王就唔好。」

「好啦,咁我返出去做嘢先啦。」
2017-08-19 19:58:59
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞