我回報一下你兩個月我嘅投資策略，之後先推介反啲心水比大家
先入400 轉 3311 轉 2018 轉 939至今
入400係因為股價被追擊，有急跌，然後我以投機心態入左貨，其後400再遭追擊，結果我係損手離場。不過我知首投機屬高風險，所以下注都比較細，最後係捐失總資產8%。
(今次損手，我有做到反省，我冇深入研究對400既追擊報告，同400既業務，下次我會避免再犯同一錯誤。同時五六月，因為私事都有影響，下次我會幾忙都去做功課)(希望大家可以保持良好心態，係我既故事都可以學習到)
然後眼見3311做左一個比較大既調整，大約13蚊左右我入左市，由於之前損手既教訓，我都睇得3311好緊，見到佢原來仲有下行空間，所以我平手不饋手續費下離場
再轉2018，今次2018係同400一齊被追擊嘅股票，但係經過我深入了解追擊報告，同2018既業務，我認為有十分大既反彈空間，大約90蚊位我all in左
如事者真係有得升，目標價係106上望120，但係前幾日股價大約係96有弱勢出現，最後我96放左。
(當然啦， 今日睇返股價已經突破＄100，不過我唔會諗如果早知咩咩咩果啲野，因為我明白，回避風險同時回避潛在回報。)
轉939係因為內銀股近排算係強勢，加上派息所以轉左
兩個月匯報完畢。
再睇反我之前推介過既股，應該大部份都有唔錯既回報。我希望泥緊推介既心水都有好表現
七月份推介
2018
上面都講左，我曾經90蚊持有，而家都係目標價106上望120。近排趨勢突破橫移，所以短期內係會有得再升。加上換iphone既熱潮都到，所以相信呢排都會有炒作
3311/1186/1800
我見到呢三隻都係同一時間做調整，而家三隻都係同一時間做回升，咁樣基本上可以當做整個板塊重新受到投資者關注，進入升浪。
三隻入面都係會簡反3311，數據上顯示，12.3呢個價位應該係低位，呢個價位都橫移左一段時間，睇到有足夠支持，同時上升空間足夠，基本面良好，目標價15蚊，上望16蚊。
(上次個post我都係推呢隻)
751 (風險較大)
呢隻股，我係私人group有叫百年同千金兩位巴打留言，當時係4.2左右。今日已經到4.88。我相信751既電視業務未來會有改善，加上751旗下業務有騰身關聯公司入股，投資者憧憬未來有動作，短期都係支持股價既主要因素。目標價5.5。
另外，經過多日考慮， 加上我嚟緊比較得閑
我提供一個email比各位巴打，或者cd-rom 朋友私人問我有關股票既問題，或者交流下。
雖然我未必可以全部睇得晒但係我都會盡量回答
buynikeshoes1@gmail.com
呢個email 我平時拎泥抽鞋，原諒佢個名同串錯字
屌比我上左車先啦
終於向上郁