［校園鬼故 X 陳生回歸 X 角色崩壞］無能子鋒與無能鬼

一日5篇ok?

你等我一陣，我去問下有無人可以幫手
幫手了結我

唔好作無謂嘅爭扎

我已經無掙扎啦

呀屌原來我錯字 對唔住！
講返正題，咁你仲唔一日五篇？

如果一日有120小時

今日幾點有

今日五篇

一日5篇ok?

你等我一陣，我去問下有無人可以幫手
幫手了結我

唔好作無謂嘅爭扎

我已經無掙扎啦

呀屌原來我錯字 對唔住！
講返正題，咁你仲唔一日五篇？

如果一日有120小時

今日幾點有

快啦

今日幾點有五篇

今日幾點有五篇

一日無10篇都算
5篇都無
陪女大哂咩樓豬

今日幾點有五篇

一日無10篇都算
5篇都無
陪女大哂咩樓豬

出五篇大家都收貨㗎喇

一日5篇ok?

你等我一陣，我去問下有無人可以幫手
幫手了結我

唔好作無謂嘅爭扎

爭扎

今日幾點有五篇

一日無10篇都算
5篇都無
陪女大哂咩樓豬

哪有女

（四）轉變

那次逃離道壇後，我每天都維持著極簡單的生活，除了回校上課以外，基本上都不會外出。

即使和阿奶一起，主要也是相約一起到自修室學習。
幸好正值高考時期，這種生活習慣的改變，並沒有太多人感到奇怪。
而阿奶以為我只是為了升學而變得勤奮，所以她並沒有太多的抱怨，還很樂意跟我一起到自修室學習。

這種小轉變對我的影響其實不大，但身邊的好朋友卻注意到我的變化。

「喂！死仔包，讀書讀成點呀？」一把熟悉的聲音從電話筒傳來，是天賜。

「幾好啦，呢排日日落自修室溫書。你點呀，美國生活得慣唔慣呀？」聽到了好友的聲音，鬱悶的心情也變得稍為好了點。

「我梗係慣啦，不過嚟緊要開始做Research，寫報告，應該都幾忙。」

「聽落係勁喎，忙還忙，有無識到啲金髮靚女先？嗱，我最多唔同阿詩講啦。」我對著天賜，難得的開起玩笑來，我已記不起上一次開這樣的玩笑是何時了，大概是在澳門那時吧。

我和天賜閒聊了一會後，氣氛十分不錯。
但我知道他不是單純來跟我閒聊的，果然，他終於進入正題了。

「死仔，聽阿詩講，佢話你呢排變咗好多喎。」

「吓？有咩？咪又係咁。咪住，佢話我變好咗定變壞咗先。」

「你唔使扮嘢啦，頭先同你傾計，你真係變咗好多……變到……好無自信咁。」

「吓？唔係啩，我喎，我點會無自信呀，痴線啦。」

「……子鋒，你……係咪好唔慣？」

「唔……唔慣啲咩？」我心虛的問。

「唔慣，無咗靈力嘅自己！」

「痴……痴線啦，無呀，邊有啫。」面對天賜的說話，我不自覺的撒起謊來，我也不清楚為甚麼要這樣說，大概，只是人類單純的抵抗心吧。

「我聽阿詩講，之前你喺老豆個道壇度......」

「哦，你講嗰次。無事啦，都成個月前，嗰陣我真係有啲唔慣㗎。不過諗深一層，你老豆講得啱呀，依家做返個普通人咪幾好，唔使再出手去幫其他人，多咗時間拎嚟讀書。我依家成績又好咗，同阿奶關係又好咗，都唔錯呀，哈哈。」

「你……」天賜聽到後，只是輕輕嘆了口氣，沒有說話，大概是在擔心我吧。

「你唔使擔心喎，我依家過得不知幾好。仲有，我發現讀書原來唔難，仲幾好玩㗎喎。話唔定我出年可以過去美國同你一齊讀書添呀！」

「……咁……咁幾好呀。不過，如果你有咩事，記得搵人幫手！阿詩又好、炎冰又好、我老豆又好，總之你唔好收收埋埋呀，知唔知呀？」天賜像是看穿了我的內心一般，聽到後我不禁臉色稍變，幸好是隔著電話，要不然天賜肯定能察覺到這微細的變化。

「得啦得啦，你仲煩過我老母呀。有咩我會搵人幫手㗎啦。不過，我諗應該都無事嘅，開咗學成個月，我都無再預到啲咩嘢，可能啲鬼已經對我無晒興趣啦。」

掛斷電話後，我默默地回到房間，躺在床上沉默地思考著。

「天賜，換轉係你，知道自己幾年後可能會死，但呢一刻連保護自己嘅方法都無，你都會好似我咁有所改變吧！」

自從上次從天命叔道壇逃走後，又已經過了一個月時間。

這一個月以來，其實我還是經常碰到不少怪事，甚至有些時候，會短暫失去意識，當再次醒來時，往往會記不起之前發生了甚麼事情，這種感覺真的很可怕。

即使我遇上了這些事情，我也沒有再去找天命叔。
也許，我只是在賭氣吧。

我寧可被鬼上身，被靈體作弄，也不願再去找他。
他根本沒有站在我的立場想過，那我又何苦再去找他呢？

另一方面，可能在心底裡，我也希望有靈體能對我造成傷害。

大概，我想藉此告訴天命叔：看吧，就是因為你封印了我的靈力，我才會遇上這樣的不幸。

可能，我是想讓他感到後悔；
又或者，我只是厭倦了那種不知何時受到襲擊的感覺，我……其實也只是想求個解脫吧！

無論如何，我已經不想再去求人或做些甚麼了，要來的，便來吧！

而在這段期間，阿詩、炎冰、甚至小詠也曾來和我傾談。
當然，我沒有表現出任何異樣，但從天賜主動致電給我的情況看來，聰明的阿詩大概也感到我有甚麼異樣吧。

又或者，我的轉變真的很大，大得根本無欺騙別人。

「衰仔，點呀你，今日放假喎，都唔出街嘅？」就在我胡思亂想之際，我的母親無聲無息的闖進了我的房間。

「吓？無呀，呢排溫書有啲攰，咪唔出街囉。留喺屋企陪下你唔好咩？」

「你係咪有咩嘢呀？做咩個人變咗咁多嘅？」母親擔憂的問。

「我？我無嘢喎。我邊有變啫，你諗多咗啫。」

「衰仔我養咗你十幾年，你份人係點我點會唔知。你依家街又唔出，又無啦啦咁鬼勤力，呢個邊係你嚟㗎！」

「咩……咩啫，我勤力讀書唔好咩？咁我都中七啦，係時候要諗下將來㗎啦。你唔使擔心喎。」

「唔擔心就假啦，之前去打牌，同班師奶講起，依家好多後生仔受唔住壓力自殺，你有事唔同我講唔緊要，但千祈唔好諗埋一二邊呀。」母親說話時，右手輕輕掃了掃我的頭髮，感覺得到她真的很替我擔憂。

「痴線啦，阿媽你唔駛擔心，我真係無嘢喎，我唔會自殺㗎，你放心啦！」我實在不忍看到母親這樣，口頭上繼續裝作無事。

和我傾談了一會後，母親好像放心了點，便離開了我的房間。
再次躺在床上的我，又再胡思亂想起來。

說真的，我的確沒有想過要自殺或自殘，因為我知道這樣解決不了任何問題。
但……我卻無法保證自己不會死去……

「對唔住……對唔住……」我默默的流下了眼淚，我也不知道這句對不起，是對我的父母說，還是對替我感到擔憂的人說。

又或者，這句對不起，是對那個曾經努力不懈，永不言敗的我而說吧。
可是，我真的沒有信心，我實在想像不到自己平平安安的未來。

在我心底裡，其實也非常清楚，我真的有些改變。

只是，這種改變，是我重新做回普通人的先兆；
還是，這單純是我用來逃避現實所衍生出來的副產品呢？

我想……我是知道答案的。

終於終於等到啦 有生之年系列
不過番左大陸要翻牆先睇到搞到睇得冇咁爽 但我會努力翻架啦 心巴要撐住寫落去

終於終於等到啦 有生之年系列
不過番左大陸要翻牆先睇到搞到睇得冇咁爽 但我會努力翻架啦 心巴要撐住寫落去

天滅中共

好彩瞓前都有文睇到

好彩瞓前都有文睇到

要樓主出文唔簡單

好彩瞓前都有文睇到

要樓主出文唔簡單

又食字

終於終於等到啦 有生之年系列
不過番左大陸要翻牆先睇到搞到睇得冇咁爽 但我會努力翻架啦 心巴要撐住寫落去

咩有生之年啫
半年咋嘛

多謝支持，翻牆都嚟睇

好彩瞓前都有文睇到

要樓主出文唔簡單

又食字

出文啦

好彩瞓前都有文睇到

要樓主出文唔簡單

又食字

出文啦

文呢

終於終於等到啦 有生之年系列
不過番左大陸要翻牆先睇到搞到睇得冇咁爽 但我會努力翻架啦 心巴要撐住寫落去

天滅中共

自我封閉

終於終於等到啦 有生之年系列
不過番左大陸要翻牆先睇到搞到睇得冇咁爽 但我會努力翻架啦 心巴要撐住寫落去

咩有生之年啫
半年咋嘛

多謝支持，翻牆都嚟睇

半年感覺上都好耐架嘛

（五）分手

時間過得很快，轉眼間已來到十一月了。
這一個月裡，別說天命叔了，即便是炎冰和小詠，我也沒有再跟她們見面，她們亦沒有主動來找我。

而這個月裡，我幾乎沒有再感覺到被靈體纏繞的感覺，也沒有在街上再看到奇怪的異像。

這使我漸漸遺忘了靈體和道術的存在，我就跟普通的高中生一樣，上學、打藍球、溫書和拍拖，原來這樣的日子，還是挺不錯的。

「子鋒，去打波啦！」邀請我打籃球的，是張啟賢，他是我在這學校認識的第一人。

「今日唔打啦，聽日有Quiz，我都係返去溫書啦。」我婉拒了他的擁請。

「又溫書？搞咩呀你，中六嗰陣都唔見你咁勤力㗎。」他略帶不滿地說，因為開學以來，我只在午饍和體育課時跟他們打籃球，每次放開學後，我也拒絕他的擁請。

雖然每次我也以溫習為藉口推搪他們，但真正的原因，卻是那次被鬼上身後，我不想再多留在學校而已。
當然，他們並不會知道這個原因。

「阿奶，係咪你管住子鋒唔畀佢打波呀？」阿賢身旁一個黑黑實實的人取笑道。

「痴線啦，黑仔榮你唔好亂講呀，打爆你個頭㗎！」阿奶聽到後，馬上霸氣回應，黑仔榮則仍在偷笑，毫不在意。

「你做咩唔出聲呀，你講呀，我有無唔畀你打波。」阿奶見黑仔榮仍在偷笑，轉過頭來要我澄清。

「無，你咁好，又點會唔畀我打波啫。」我在說話時，特意在「點會唔畀我」幾隻字提高了聲線，大家笑了笑後，我和阿奶便離開了學校。

在前往牛頭角地鐵站途中，阿奶雖和我並排而行，但沿途上一句說話也沒有說，感覺又不像是在生氣，只是有種怪怪的感覺。

走了好一會後，我也只當是自己多心了，抱著多一事不如少一事的態度，我默默的和她前行著。

來到地鐵站時，阿奶忍不住嚴肅地看著我。
「子鋒！」

「係！」我被她的態度嚇了一跳。

「你究竟發生咗咩事？」

「吓？我發生咗咩事？」對於她的提問，我只感到一頭霧水。

「你唔使扮無事啦！自從澳門返嚟之後，你成個人就變得奇奇怪怪咁。街又唔出、波又唔打，仲要突然間咁勤力，你究竟發生咗咩事，點解會變成咁？」阿奶忍不住這樣對我說。

「咩……咩呀，咁我地都中七啦，係時候……」我本打算把用來應付母親的理由搬出來，但阿奶一下子用雙手用力壓向我的臉頰。

「陳子鋒！我警告你唔好扮晒嘢，話晒我都係你女朋友，呢啲小事我又點會察覺唔到！」阿奶加重了語氣。

雖然她這樣子關心我，我內心感到非常高興。
但是，我實在不懂如何解釋，難道，我要對她說：我沒有了靈力，每天也受到靈體的威脅，而且三年後更有機會死亡，所以才會有這種轉變。

這翻話，我若和任何人換轉角色，我想也說不出口吧。
所以我只是一臉茫然的看著她，沒有任何回應。

阿奶看到我沒有反應，壓在我臉上的雙手慢慢放開。
只見她眼腔裡慢慢變得濕潤起來，我都能看到淚珠在她眼內打圈的情景了。

她閉起雙眼，深深地吸了一口氣，然後對我說。
「陳子鋒，你……真係唔肯講？」

「我……我……」我真的不知道應如何解釋。

「我真係無變喎，咁依家開始諗升大學啲嘢都好正常啫，係咪？」

阿奶看著我，眼神裡流露出的除了悲傷，就是擔憂。
她低著頭，沉默不語了好一會兒，才再對我說。

「我……我記得中五重讀嗰陣，有次放學留喺學校溫書，我同阿平喺女廁見到啲奇怪嘢，你無懷疑我哋講大話，仲主動提出同我哋一齊去多次女廁，等我哋安心。仲有，暑假嗰陣，我哋一班人去海洋公園玩，有小朋友蕩失路，你又會主動幫佢。仲有喺澳門……」阿奶一一細數著我以前如何幫助其他人，以往的回憶一幕一幕在我腦海裡放映著。

「點解你依家變成咁？唔打波、發奮讀書都仲講得通。你記唔記得上個星期，黑仔榮佢哋要你放學留低幫手做少少嘢，換轉以前你已經應承咗，但你竟然一口拒絕。仲有其他好多好多嘅嘢，到底澳門返嚟之後發生咗咩事呀？」阿奶說得激動，眼角滲出少許的眼淚。

「我……我其實……」

「我……我就咁唔值得你去信任……」阿奶看著我，眼淚彷彿快要決堤似的。

我看著阿奶，內心想法不斷，但就是無法宣之於口。

「咁……咁我真係無嘢，又……又點同你講呢？」說話時，我的眼睛竟然不敢看著阿奶，真話說不了，但想不到，我竟連謊話也說不了，我真是無用。

「夠啦！你既然唔想講，我……我都無謂逼你。不過，既然你一啲都唔信任我，我哋都無謂繼續一齊，咁落去對我地都無意思。」阿奶強忍著她的淚水，用憂怨的眼光看著我，像期待我會挽留她似的。

她的一字一語我都聽得很清楚，我亦知道，若我繼續不發一言，我會嘗到怎樣的結果。

但，若仔細思考，這不正是一個好機會嗎？
既然知道自己命不久矣，又何苦要連累他人呢。
而且，若早晚也要面對分離之痛，何不早些發生，或許，這樣對我和阿奶，也算是比較好的結果了。

「你……真係無嘢同我講？」阿奶緊盯著我，本應停止了的眼淚，又慢慢在她眼眶裡凝聚起來。

我再一次避開了她的眼神，我怕……我怕真的會忍不住告訴她我現在的狀況。

只是，即使把所有事情都告訴她，又能對事情有甚麼幫助？
我實在不想再連累任何人了。

「我……我無……」

不待我吐出完整句子，阿奶的淚已經瘋湧而出。

「睇嚟，係我太過高估自己喺你心目中嘅地位。好……陳子鋒，我……我地分手啦！咁你以後，都唔駛再諗藉口去避開我啲問題。」

拋下了這句說話後，阿奶轉身便跑進地鐵站內，遺下我一個在大堂呆站著。
看著她逐漸遠去的身影，我的內心異常疼痛，這就是分手的滋味？

悲痛的感覺中，還混雜著一絲熟悉的感覺。
那感覺，是我在怨恨自己感到無力、無助時經常出現的。
難道，我正在為自己的無力感到怨恨？

但，怨恨也好、後悔也好，我又能做些甚麼？
我清楚知道，此刻的我，只是一個無能的人。
我的心真的很累，很累！

阿奶離開我，其實是明智的決定。
別說給她將來這種遙遠的事情了，我連跟她好好的享受現在也做不到。

這樣的結果，對無能的我來說，實在再適合不過。
而且，這樣我便能減少一個擔憂的對象了。
理應值得高興才對，但是，為甚麼我會流淚？我的心又為何感到如此疼痛？

陳子鋒啊，別再做這種無謂的牽掛了，孤獨一人才適合你啊！
既然自己無法前行，那至少不要拖累別人。

對……這樣就好……這樣就好。