［校園鬼故 X 陳生回歸 X 角色崩壞］無能子鋒與無能鬼

加更

好耐無見

好耐無見

好忙？

lm

今晚有無文

今晚有無文

啱啱返到，盡趕

今晚有無文

啱啱返到，盡趕

好嘢

仲未有

:(

今晚有無文

啱啱返到，盡趕

好嘢

文呢

今晚有無文

啱啱返到，盡趕

好嘢

文呢

我等等吓都瞓著咗

仲未有

（八）自殺

「唉，我估個細路應該用咗我以前用嚟切斷你哋連繫嘅符咒，所以你先感應唔到佢。」天命叔向小詠展示了一道符咒，向她說明。

「吓？佢唔係無晒靈力嘅咩？點解……」

「符咒同其他術式唔同，其中一種符咒可以先將施術者嘅靈力注入符咒，等到有需要嘅時候拎出嚟用。平時啲所謂平安符嗰啲，都係依靠施術者嘅靈力運作，不過，呢啲符咒有時效性，當符上面嘅靈力完全消失，符咒就會失效。」天命叔解釋。

「噉……子鋒道符幾時先失效？」

「三個月……」

「三個月？」小詠聽到後緊張得打斷了天命叔的說話。

「我未講完，三個月，係指用我靈力整出嚟嘅符咒。如果，個衰仔加埋佢自己嘅靈力，咁呢道符就唔止三個月，個時效可能會更長。」

「更長？咁點算呀？依家子鋒咁嘅狀態，唔好話三個月甚至更長啦，三個星期都唔知頂唔頂到。師傅，有無辨法可以幫佢呀？」

「方法唔係無，不過如果開通返你兩個嘅連繫，好大機會會引發到佢嘅靈力，咁呢段時間做嘅嘢，就會變得無意義。」天命叔搖了搖頭，不太情願地說。

「師傅，子鋒話晒都係你半個徒弟，何況性命猶關，無理由見死不救㗎？」

「我明你嘅意思，但係唔好唔記得，就算恢復返你哋嘅連繫，極其量都係得你感覺到佢。你睇吓你自己，出一出去幫佢，就搞到自己靈力耗損到呢個地步，如果你再去，下一次可能灰飛煙滅㗎！」

「師傅，我本來就係已死之人，當初唔係子鋒同你，我根本無可能有機會修成正果。依家我只係將佢還返畀子鋒啫，無問題呀。同埋，我喺人世都無人無物，子鋒唔同，佢有親人，有朋友，有戀人，點計都無理由唔救子鋒。」

「你冷靜啲先，第一，你唔係無人無物。上次中山嗰位老人家救你唔係無任何原因，而且你仲有我、天賜、炎冰同阿詩佢哋，你又點會係無人無物呢？第二，我無話唔救，我只係唔覺得打開你哋嘅連繫係一個好方法啫。仲有第三，你唔記得咗個細路體內嗰隻嘢講過咩啦？」天命叔說到最後，一臉凝重。

「呀，師傅，唔通你想用今次機會，去判斷封印靈力呢一招係咪有效？」

「一半一半啦，老實講，隻嘢講得唔會畀個細路死，如果個細路有危險，佢一定會再次現身。咁到時我就可以再搵機會對付佢！」

「原來師傅你有咁嘅諗法，點解你唔直接同子鋒講？」

「絕對唔可以同佢講，依家個細路同隻嘢係一心同體，上次嘅事，隻嘢已經知道我唔會殺咗子鋒，所以我無可能再引佢出嚟對付佢。所以今次件事，只要我一講咗嘅話，隻嘢就會有所警剔，到時就真係無機會再對付佢㗎啦！」

「原來係咁……我都唔知師傅諗到咁深入……師傅你早啲同我講等我唔駛咁擔心呀嘛。」小詠知道天命叔原來是有計劃後，亦感到輕鬆起來，還襯機會跟天命叔「翻舊帳」。

「同你講？之前你同個細路係有連繫㗎，同你講咪即係同埋隻嘢講，咁唔駛對付佢啦。你個衰女包就淨係掛住子鋒前子鋒後，師傅都唔駛理啦。」

「哎吔，師傅呀，我又點會呢。師傅咁好人、又咁叻，點會同我計較呢啲小事先得㗎。最多我幫你按摩啦。」小詠邊說邊飄到天命叔背後，作勢替他搥肩。

「太遲啦，唔駛扮啦，同埋你飄下飄下咁，按鬼按馬咩？匿返入你個神主牌度養傷啦！」

小詠連忙稱是，一下子變回一縷輕煙進入到神主牌中。

在進到神主牌後，小詠像是想了甚麼，於是從神主牌內把她的頭伸了出來，要是有外人看到，大概會給嚇個半死吧。

「係喎師傅，雖然你有晒計劃，但係萬一封印靈力呢招真係有效，隻嘢真係無晒力量，咁子鋒佢咪好危險？」

「呢層我已經諗好啦，你放心啦。你專心匿喺個神主牌度休息，休息完之後我有嘢要你幫手。」

「吓？你唔係話唔打返開我同子鋒嘅連繫咩？」

「叻唔切，我係要你幫手感應子鋒嘅情況，無話打返開你哋嘅連繫。因為你同子鋒嘅生辰八字係一樣，加上你哋長時間嘅連繫，有啲嘢某程度已經互通咗，所以我有方法令你可以單方面感知到佢嘅情況。」

「師傅～～～你好勁呀！！！」小詠忍不住從神主牌飄出來，高興地繞著天命叔飛舞。

「夠啦！唔好再轉啦，轉到我頭都暈。除咗你之外，我仲要搵人幫手㗎！」

天命叔沒有再理會小詠，拿起了電話。

「小池呀，係呀，天命叔呀。我好好。下次飲茶啦。係啦，今次打畀你呢，因為有個細路，喺你嗰度讀書。係呀係呀，就係之前同你講嗰個。我想你幫幫手睇實佢。無咩嘅，你放心，你學校好好，哈哈。好啦，咁等件事完咗我嚟學校幫你睇睇啦。好，拜拜。」

「師傅，你搵邊個呀？」

「我搵個師侄幫手，叫佢喺學校睇住子鋒，你想個細路無事嘅話，你就襯呢段時間你盡快休養好，咁就可以廿四小時全天候監視佢啦！」

就在小詠和天命叔以為萬無一失之際，他們萬萬想不到，和小詠分別的這天，我竟差點跟他們畫上一個句號。


我利用符咒把自己和小詠的連繫切斷後，心中硬是有一種空虛的感覺。

回到家裡，放下書包後，二話不說便呈大字形的伏在床上。

安靜下來後，我總算有時間去消化一下今天發生的事情。

想不到，只是稍為想到，我在一天內，和兩個關係如此好的人切斷了連繫，心頭不禁一痛。

我再也忍不住自己的情緒，在房中嚎哭起來。

我心裡雖然明白，我是逼不得已才這樣做的，但和關係親密的人分開，原來內心是會如此悲痛的。

感覺就像在一天內，經歷了兩次分手一樣，心痛的程度，已非筆墨所能形容。
我的情緒非常低落，我知道這樣的狀態下，我是很容易受到靈體侵襲，但我已不想計較那麼多了。

在一天內，我傷害了兩個重要的人，而一切，也只是因為我的無能。
這種心痛的感覺，是我應有的懲罰。

不，這並不足夠。
對於這樣的我來說，這樣的懲罰實在是太輕了。
倒不如……

「咁你不如死咗去啦。」一把溫柔的聲音在我腦響起。

「邊個？」我本能地回應。

「我咪即係你，你咪即係我囉。」那把溫柔的聲音再次響起。

「原來……係我自己……」

「係呀，其實你知㗎。你知自己係廢物嚟㗎嘛。」

「係……我係廢物……」

「係囉，廢物生存喺世界上，只會污染呢個地球㗎咋。」

「無錯……污染……」

「仲有，你知道㗎，你繼續生存，會帶嚟好多不幸㗎嘛。」

「無錯……不幸……」

「你講下你會帶嚟啲咩不幸？」

「我……我……」

「你唔係到呢一刻都仲想唔承認自己係廢物呀？嚟啦，面對自己，講晒出嚟啦。」

「我……我會傷害到其他人……」

「就好似今日，你傷害咗兩個女仔噉？」

「係……唔係……我生存落去，會傷害嘅唔止佢哋，我會傷害更多嘅人……」

「既然你咁無用，又會傷害到人，噉你生存落去仲有咩意思呀？」

「生存……無意思……」

「不如襯依家，了結自己，等你同其他人都無咁辛苦啦。」

「了……了結？咁我阿爸阿媽……點算……」

「你生存，佢哋就會死喎。你真係咁想整死佢哋？」

「唔係……我……唔想佢哋有事…...」

「咁咪係囉，了結自己，係你唯一嘅選擇嚟。唔好再做廢物啦，你嘅死對所有人都係好事。只有死，你先唔再係廢物。」

「唔做廢物……去……去死……」

「無錯，快啲去死啦。上去天台，好快就可以解脫㗎啦。」

我從床上站了起來，口中邊喃喃自語，邊離開了家裡。
而在我緩慢移動到升降機時，在我背後，有一縷黑煙纏繞著我。

對，此刻的我，已經被那黑煙操控，等待著升降機的來臨。
進到升降機裡的我，按了最高的樓層。

再見了，這個世界。
再見了，這個無能的我。

故事債，故事還
我會不斷趕工架啦

Sam Sam 加油

Btw , 個"超短篇" post埋喺度好wor

Btw , 個"超短篇" post埋喺度好wor

我驚會亂先特登開一個
等我出晒一次過post嚟呢邊