(多圖多字有抒情)我驚我有一日會唔記哂

輕輕一推

輕輕一推

Hi樹窿

好想同你講個秘密　之後就永遠埋左佢

格魯吉亞同土耳其邊境連接城市就係黑海沿岸嘅巴統(Batumi)。


我地嗰日一早就由土耳其邊境城市Hopa出發。因為我地預計到過關時會遇到少少問題﹐最後我地真係遇到左。我地出發前就已經查過格魯吉亞同阿美里亞持特區護照都係無免簽架﹐但係BNO就可以喇﹐所以事前我地就續領左BNO。入境土耳其時我地係用特區護照因為有三個月免簽﹐但BNO就得一個月。陸路出境土耳其後﹐我地就會BNO入境格魯吉亞。我地估計格魯吉亞邊境就會發現我地本BNO係無土耳其出境印﹐咁我地就要花大量時間解釋我地香港人係可以同時有兩本PASSPORT。我地準備好哂model answer 後佢地竟然係無發現到呢件事。出事位係我地本BNO﹐佢地聲稱只有BC先可以免簽。當然我地做哂功課﹐上哂英國官方網CAP哂圖。最後佢竟然答我地格魯吉亞係保留最終決定權﹐又叫我地返土耳其搞VISA。我地就更係死都唔肯﹐企硬啦﹐叫佢d高層直接打俾英國大使館問下BNO係咪唔可以。最後搞左兩個鐘﹐好多人出嚟睇我地本護照。最後全靠我地嘅堅持終於得到一句: Welcome to Georgia!


由關口去巴統路途唔太長﹐經過左一個不知名堡壘。




之前一直都唔太認識格魯吉亞﹐只係知道係前蘇聯地方﹐高加索地區。嚟到巴統俾我感覺都幾歐洲。


張相係無關嘅。我記得我地係巴統踩住架單車時﹐又有人好奇問我地咩事。我地講左俾佢知之後﹐佢話佢hostel都有一個又係踩緊單車﹐不如今晚成班一齊食餐飯啦。當晚餐飯我都好深刻﹐佢地推介左去一間好local嘅餐廳﹐係一對連英文都唔識嘅格魯吉亞老夫婦開嘅。坐係矮凳矮枱進食﹐間餐廳唔大而且有D昏暗﹐牆上掛住左D獸皮、鹿角等。人物包括一個巴西人(住係美國﹐撩我地嗰個)﹐一個澳洲人(一個人踩單車﹐ 又係無定終點。其實之前係土耳其黑海時相遇過﹐傾左幾句。都估到就係佢。)﹐一個法國TB﹐一個大波小肥德國妹（無相）。成餐飯就好似聯合國咁﹐每人都有自己背景、經歷、出走嘅原因。我地咩都傾﹐加上有酒精幫助﹐我地談生活談工作談旅遊談自己國家。餐飯好開心﹐但我地最後都無影到相。感覺就江好似湖兒女洗咩影相咁老土﹐總有一日江湖會再相見。

加油樓主！

繼續睇

係格魯吉亞嘅日子係我記憶裡面有D朦朧﹐唔係因為唔好玩。係可能因為已經習慣左踩單車嘅生活﹐所以唔太記得邊日打邊日。但係呢到都有好幾件事都好深刻。如果人地問我去唔去格魯吉亞好﹐我會絕對推薦。



離開左巴統後就準備出發去首都提比里斯(Tbilisi)﹐預計踩4日到就可以到達。望住上面個景踩﹐你都咪話唔有feel。



踩下踩下又好似去左南生圍咁。

係格魯吉亞單車旅程第二日﹐我地唔小心行錯左路。但又錯有錯著﹐唔小心去左格魯吉亞第二大城市庫塔伊西(Kutais)。原本係無打算去﹐亦唔順路去。咁啱嗰到又有個教堂同修道院係世界文化遺產﹐咁就去睇埋啦！



庫塔伊西街景。有別於巴統﹐佢少左陣歐洲味道﹐多左陣前蘇聯味係到。





巴格拉特主教座堂



格拉特修道院(維修緊唔太靚)


格拉特修道院望出去嘅景

呢一件係好瘋狂好重要嘅事﹐亦可以話影響到成個格魯吉亞旅程。


離開左庫塔伊西後﹐我地就繼續向首都出發。事前一日我地已經Google Map左會係一段瘋狂嘅山路。最後嗰日踩左9個鐘﹐100公里山路﹐仲要好大部分時間逆風。呢一次算係我踩到崩潰嘅一次。我已經累到一路踩一邊大叫”屌你老母！” (差唔多踩到夜晚時又遇到另一隊法國車隊﹐由4個男組成)


屌到最後終於去到一個城叫哈舒里﹐諗住搵間酒店好好休息。點知搵左好耐成個城都無一間酒店！我地連警察都問埋都無。嗰刻心情係幾咁沮喪﹐都打定輸數搵地方紮營。正所謂希望在轉角﹐我地突然見到四個中文大字 "中國建鐵"嘅工廠。平時我地都係反蝗又唔認係中國人﹐一直同人講我地係香港人﹐係唔同架。不過今次要認下低威啦（好無骨氣，不過明當時狀況好可能都會咁做）﹐ 希望人地比個地方我地紮營都好。我仲記得門口守衙有揸槍仲有兩隻好惡嘅狗。我地叫兩個守衙幫手通傳下。點知就有個大陸人請左我地入去﹐仲好熱情招待我地﹐因為佢地咁啱招待緊一個叫呂總嘅人物(佢識廣東話)。最後佢地請左我地食飯仲俾左間房我地訓。由於太耐無食中國菜嘅關係(四川菜)﹐ 我地足足食左3大碗飯。 當然地更係有不繼乾杯啦。


我個Friend 好快就醉左瞓左

之前講到呢件事係影響到成個格魯吉亞旅程。係因為呂總身邊係有個Local嘅助手﹐而佢係講到一口流利嘅普通話同英文。佢同我地講去到提比里斯就搵佢﹐佢會帶我地周圍玩。出奇地無高加索人嘅冷傲。佢就係影響左格魯吉亞旅程嘅人物。


第二日係工廠食完早餐道謝完後﹐我地就再出發。但有d宿醉同琴日實在太累關係﹐我地踩左50公里到停左。就係一間路邊酒店休息﹐但間酒店係無飯食嘅。咁點算？有咩開心得過係吉魯吉亞一個叫哥里(史達林出生地)嘅城食印尼撈。無錯！係係香港帶去嘅印尼撈！唔知我地會唔會係第一個香港人咁做架呢？


休息完半日﹐第二朝就好早起身直奔提比里斯。

留名

pish

最尾幅火燒雲圖好靚

最尾幅火燒雲圖好靚

多謝你一直追我post

之前剩係試過台灣環島

同人講都話我癡線 你呢個旅程仲癲

格魯吉亞真超出我想像咁好玩同咁靚。所以嚟緊呢幾個POST都係圖多。

提比里斯遠景

到達提比里斯後我地又放左個長假周圍去玩(真係玩多過踩)。先係係市內自己行下先


市中心自由廣場




提比里斯街景




跳蚤市場。咩雜貨都有得賣﹐不過最多都係賣畫。



Narikala Castle 係舊城一座小山上面﹐可以居高臨下睇哂成個提比里斯。


之前提到識左一個呂總同佢助手。其中一晚佢就邀請左我地去佢屋企食餐飯﹐當然唔少得又係飲酒啦。餐飯係由呂總老婆煮架﹐難得又有中菜食又湯飲﹐我記得我地係食左三碗飯。

食完飯之後﹐呂總助手(其實佢叫Giorgi)就話同我地行下。三個男人﹐飲左少少酒﹐佢話帶我地見識下喎﹐你懂的啦。說時遲那時快﹐最後嗰晚係咩都無發生返左酒店瞓﹐不過都係一個幾有趣嘅經驗嚟﹐想知再講。

想知有咩見識 等你講
btw 師兄之前做audit?

想知有咩見識 等你講
btw 師兄之前做audit?

唔係 算係搞event嘅

留名

格魯吉亞真超出我想像咁好玩同咁靚。所以嚟緊呢幾個POST都係圖多。

提比里斯遠景

到達提比里斯後我地又放左個長假周圍去玩(真係玩多過踩)。先係係市內自己行下先


市中心自由廣場




提比里斯街景




跳蚤市場。咩雜貨都有得賣﹐不過最多都係賣畫。



Narikala Castle 係舊城一座小山上面﹐可以居高臨下睇哂成個提比里斯。


之前提到識左一個呂總同佢助手。其中一晚佢就邀請左我地去佢屋企食餐飯﹐當然唔少得又係飲酒啦。餐飯係由呂總老婆煮架﹐難得又有中菜食又湯飲﹐我記得我地係食左三碗飯。

食完飯之後﹐呂總助手(其實佢叫Giorgi)就話同我地行下。三個男人﹐飲左少少酒﹐佢話帶我地見識下喎﹐你懂的啦。說時遲那時快﹐最後嗰晚係咩都無發生返左酒店瞓﹐不過都係一個幾有趣嘅經驗嚟﹐想知再講。

想知

去做D咩大家諗到就諗到﹐諗唔到就當無睇過。而且我地都無影過相(唔驚被人打咩)﹐純文字分享。

首先我就唔係想扮正人君子﹐但無論係外地同香港我都係從未試過﹐係因為我覺得無感情嘅純為解決係好無意思。當然地我都係一個百分百嘅咸濕佬嚟﹐當時心諗人一世物一世﹐又難得有當地人帶﹐咪去見識下。俄妹種喎﹐大家平時上網睇圖睇片都知幾HOT幾正架啦﹐我當時心諗。

我地離開左呂總屋企後﹐就坐的士去左一個離遠市區少少嘅地方。到達門口後覺得好靜﹐但當時一刻我地好信Giorgi﹐都無擔心D咩。佢事前同我地講大約係100蚊美金到﹐唔算貴丫。大家可以幻想到左一個遠離市中心嘅別墅咁﹐入左大門之後﹐係角落位有間酒吧。大家就入去間酒吧到更係唔係飲酒啦﹐當然係揀卒啦。佢地偏佈係酒吧每一個位置﹐睇啱就行過去同佢講價錢﹐之後去別墅裡面其他房間做你想做嘅事。

講完流程就立刻返去現場！一入到去！嘩！屌！質素係何其........低。又老又假又整容失敗咁。行左一個圈睇左好耐下﹐先得一兩個係叫正常。你仲想行多陣睇定D先？正常嗰兩個都無埋喇！終於明白到點解係一百蚊美金﹐真係一分錢一分貨。

最後我頂唔順要行出酒吧透下氣﹐佢地都相繼出返嚟揀唔啱。最後咩都無發生就離開左﹐我覺得同行友人係有D失望嘅。我就不嬲唔太好﹐仲要咁嘅質素﹐不如留返D錢食左佢算啦。

咁就過左平淡又充實一晚。

Kutaisi去Tbilisi 段路搭車都覺得痴線
好似成堆貨櫃車行港島啲山路咁

Btw 想知

Kutaisi去Tbilisi 段路搭車都覺得痴線
好似成堆貨櫃車行港島啲山路咁

Btw 想知

D山路真係踩到人都癲!
D貨車亦都好嚇人! 有時一架大貨車係你側邊經過 好似差幾CM就會掂到你咁
如果佢地閞得快的話 扯D氣流出嚟令到你單車左Fing左Fing 如果炒左就係咁先

除左夜遊見識之外﹐其實Giorgi都有盡地主之誼帶我地去其他景點。



聖三一大教堂



其中一晚﹐佢就同佢姐夫帶左我地上山頂睇夜景。中間發哂光嘅就係聖三一大教堂

Giorgi同佢姐夫


(無影相﹐網上偷圖)
Giorgi都同我地玩左好幾日﹐其中一日就同佢地去左浸上面個硫黃溫泉。聽佢地講係古時有個皇帝發現呢個溫泉﹐又好鍾意浸架喎。無錯﹐我係同佢地玉帛相見過。


格魯吉亞有一樣野好出名﹐就係酒。佢地聲稱格魯吉亞係其中一個最古老釀製酒嘅地方。所以其中一日Giorgi就車左我地去一個郊區酒莊品酒(鬼識分好唔好飲咩)。



大家唔好幻想係法國嗰D大酒莊園﹐其實就係只一個農村嘅自家製小酒莊咁﹐唔太大的。雖然唔太大﹐但都算係雅致嘅。



試酒時會有麵包同芝士俾我地送酒。上面嗰杯就係佢地講嘅”黃金水”﹐係一杯金黃色嘅白酒。

聽佢地講格魯吉亞人係好飲得架。嗰日我地好似都飲左幾多下﹐回程時大家都有D High High 地﹐再係車上面播住一D American Old Song﹐個mood即刻出哂嚟。其實我一直都唔係太識飲酒﹐無論係啤酒、紅酒、白酒定烈酒都好﹐都唔太識點為好飲﹐我只係享受酒後酒精引發嗰種氣氛。(同行佢地有另一個朋友一齊嚟﹐佢係成日都無飲到酒負責幫我地開車﹐真係萬分感激)

[quote] 無錯﹐我係同佢地玉帛相見過。 [quote]

咁知道咩叫相形見拙未？

搞到好想去高加索
留名支持