(多圖多字有抒情)我驚我有一日會唔記哂

唔好意思
呢幾日去左旅行 所以update唔到
下星期三先會再update到


送上一張台東日出照 頂住先

樓豬有冇入karabakh打個轉

旅行完返嚟﹐繼續Update！





之後我地去左離Yerevan遠少少嘅Geghard Monastery。係類似一個係石洞嘅俢道院。


當然有行到市內一D境點﹐Yerevan街景。




Cascade(台階)﹐附近放左好多雕塑同藝術品。


係台階最高點望落去嘅Yerevan夜景。


阿美利亞大屠殺紀念碑


係Yerevan嗰幾日﹐我地一直做緊一個人生的決擇。之前提過由Yerevan去到伊朗邊境係需要翻過好幾座高山﹐而且我地查到天氣都係不繼咁落雪。當時就有一個想法就係坐車過左呢一段路好唔好呢？坐車的話﹐好老實第一樣就係唔洗咁辛苦係大雪下翻過幾坐高山﹐人性就係想偷懶架啦﹐所以我真係唔敢話自己有幾咁熱血幾咁型﹐我只係想用另一個方式睇下個世界姐。除此之外﹐就係可慳返D時間﹐上面張相係我地大約估計時間要十日到﹐每日要上山幾多米﹐落山幾多米。但如果係山上遇上暴風雪的話﹐需要嘅日子可能要更多亦會危險左。

講到咁﹐真係好似無咩理由唔坐車喎。不過﹐如果唔想辛苦想慳時間咁不如坐飛機玩啦！我諗每一個單車旅遊者都會想有一種堅持﹐就係想踩哂成段路程﹐咁先叫係一個完整嘅單車旅程。就係呢兩種想法係我地腦裡面爭扎左好幾日﹐唔知點決定好！

樓豬有冇入karabakh打個轉

無入到去呀﹐都知呢個地方政治地位好特別﹐但又搵過裡面好似無咩特別好睇﹐所以就SKIP左

樓豬有冇入karabakh打個轉

無入到去呀﹐都知呢個地方政治地位好特別﹐但又搵過裡面好似無咩特別好睇﹐所以就SKIP左

樓豬有冇入karabakh打個轉

無入到去呀﹐都知呢個地方政治地位好特別﹐但又搵過裡面好似無咩特別好睇﹐所以就SKIP左

樓豬有冇入karabakh打個轉

無入到去呀﹐都知呢個地方政治地位好特別﹐但又搵過裡面好似無咩特別好睇﹐所以就SKIP左

係咪好重要所以要覆三次？

樓豬有冇入karabakh打個轉

無入到去呀﹐都知呢個地方政治地位好特別﹐但又搵過裡面好似無咩特別好睇﹐所以就SKIP左

係咪好重要所以要覆三次？

Web版有問題覆左三次

其實順便自推下姐

最後我地決定左坐車由Yerevan直到伊朗首都德黑蘭﹐因為我地想慳返時間同金錢﹐慳嚟做咩？有機會的話係後記再同大家講D時間同錢用左係咩地方。


我記得程巴士係廿四個鐘以上﹐係由兩個肥司機輪流開車。上車時有包零食仔派俾你﹐而且坐位都算係寬敞。


張相係由巴士影出去﹐如果係踩緊單車會點呢？無野嘅﹐辛苦d姐﹐係土耳其都試過啦。我諗呢幕都係最後咁近見雪﹐相信伊朗唔會再見到。


就係咁﹐我地就進入左呢個神秘﹐封閉﹐被西方社會形容為邪惡軸心嘅國家。係伊朗發生左好多事﹐有好嘅又有壞嘅。係伊朗發生嘅事已經夠一世難忘。(係關口冒死影)



Welcome to Tehran!!


一個人多車多又亂﹐卻有壯麗雪山做背景嘅城市。



好鍾意影相嘅伊朗人﹐只要見你手上攞住相機就會叫你影佢。(大家千奇咪亂影女)

必須留名

強帖留名

跟進

傳說中伊朗人係對遊客最熱情好客嘅人。

其實德黑蘭可以話係一個幾悶嘅城市﹐無咩特別好睇。其中一個較為特別係伊朗國家珍寶博物館(The National Jewelry Treasury)﹐但裡面係唔可以影相嘅, 而且守衛都好森嚴下。係裡面可以見到拳頭咁大嘅寶石同鑽石﹐相信女人見到都會瘋狂。唯有俾大家睇下其他市景點啦:



古列斯坦皇宮 Golestan Palace



大巴扎


當我地行完珍寶博物館後﹐街邊有個男人撩我地講野。一開始佢就帶我地去飲下咖啡﹐我地都尚算係好傾﹐佢又提下我地係伊朗有咩唔做得。之後又帶左我地坐德黑蘭地鐵﹐同去一D神秘景點。同我地行左半日之後﹐最後仲帶埋我地去出名餐廳食飯添(佢無食﹐只係睇住我地食)。聽到呢到﹐相信大家都覺得伊朗人真係好熱情好客啦！少年你太年輕了。食完餐飯後﹐佢竟然問我地攞導遊費﹐其實銀碼唔係太大﹐好似係20美金到。但係我地更係老西都唔俾啦﹐傾到最後佢係發哂脾氣咁走左架。

當你係伊朗遇到有以下特徵嘅人﹐佢地就有可能係騙子喇:

1, 係街到撩你講野 (成日都發生架﹐有部分係真心熱情好客)
2, 英文特別好 (其實伊朗人英文水平都幾高﹐對比之前經過嗰幾個國家)
3, 話帶你去神秘景點﹐通常都係一D垃圾景點﹐你直程係相都唔會想影一張(上面果張係較為靚D嘅不知名景點)
4, 佢會主動攞你D錢話幫你買門票 or 埋單(佢地應該從中抽左水)
5, 最後就係直接問你導遊費


上面就係騙子張相喇﹐佢每一張合照都唔望鏡頭﹐可能驚人認到佢掛。

其實我地沿途都有懷疑過架喇﹐但傳說中伊朗人咁熱情我地咪信下先。呢次經歷令我地對伊朗人係大打折扣﹐令到我地之後路程疑心好重﹐即使遇到係好人。

好好睇， 樓主寫得好好，支持支持

講真丫！大家睇到呢到﹐大約都幻想到我地係幾咁器宇軒昂﹐俊俏不凡架啦。你話成個旅程都無艷遇就呃你架姐！



我地係德黑蘭無停到太耐就繼續我地南下跨越大半個伊朗嘅單車旅程。首先我要多謝上天俾機會我仲係到同大家分享到我嘅故事。因為聽講伊朗係陸路交通最危險意外率最高嘅國家﹐聽聞佢地財務部長都係死係交通意外。我地踩單車就更加明白啦！對頭車逆向行駛﹐左穿右插經常出現﹐有時以為自己睇緊荷里活D汽車追逐場面！

單車都係車﹐睇上面張圖就知我地係走高速公路架啦！咁我地點過高速公路嘅收費亭？個竅門就係穿過一D無開到嘅收費停﹐同時唔好同任何人有任何眼神接觸就得(試左幾次都係呢一招)。我地都試過係高速公路俾警察攔截﹐但由於言語不通﹐係高速公路又無路出返去﹐所以佢地都奈我地唔何﹐由我地繼續踩。



第一日未上高速未離開德黑蘭時﹐我個FD就遇上第一次爆呔。爆呔咪補囉﹐好小事。當佢補緊呔時﹐一個女人就拖住一個小妹妹過嚟好興奮好hyper 咁講左一大堆野。當時我地又忙緊﹐又唔明佢講咩﹐就唔多想理佢。我地仲記得佢拖住個小妹妹大約6-7歲﹐個咀搽左唇膏仲要出哂界好似孖潤腸咁。由此我地判斷佢地應該係痴線的。

當我地唔太想理會佢時﹐佢就不繼指住我講: Six! Six! Six! 我地就諗佢Six嘜春呀。點知佢再講多句就開始明白喇。佢指住自己講: Girlfriend 再指住我講: Boyfriend (佢keep住係咁hyper) 。我地當然開始明啦﹐由於我係當事人關係我係呆左係到架﹐我個朋友就問佢Do you mean “sex”? 仲要驚佢唔明做埋手勢….佢就好興奮咁繼續講一堆伊朗文﹐繼續Girlfriend… Boyfriend.. Girlfriend… Boyfriend…

連登仔當然會話食左先講啦！人妻喎！我可以話你知我當時理性話我知﹐呢到係伊朗﹐佢仲要拖住個女﹐你係唔會敢去馬架﹐陣間真係賓周都切埋你。用情感角度上(下體思考)﹐你都係唔會去馬架…佢個樣…都係算啦…

就係咁我不斷No….No…No..咁拒絕佢﹐佢就繼續好興奮咁拖住個女上的士走左。我地就補完呔繼續上路。我地先啱啱到左伊朗無耐﹐又遇騙子又有艷遇…..我地心諗呢個到底係咩國家嚟架?

LM

強帖留名

追到live，好睇呀支持樓主

留名

[quote]等雪停嘅一個星期我地分別去左番紅花城(Safranbolu)﹐首都安卡拉(Ankara)﹐同埋最期待卡帕多奇亞(Cappadocia)。今次唔講咁多﹐大家睇相


上網見到好靚﹐好多鄂圖曼時期嘅屋。但去到因為落雪關係﹐減左分。


無境睇﹐咁睇女囉。佢地話要同我地合照架咋。



佢係其中一間舖嘅鐵匠老板。佢好熱情咁招呼我地又請我地飲茶﹐熱情到我地驚佢最後係想sell 我地呃我地。不過佢最後都無﹐只係叫我朋友幫手搬左佢個櫃。但都好肯定佢係真心熱情好客。對於香港人來講係咪總會有呢D叫防人之心定小人之心呢。


民宿嘅老板同老板娘﹐好親切。間屋都好靚好Warn。老板係退役嘅空軍機師﹐同我地show佢當年都有跟團去中國見領導人時嘅相。

之後去到首都Ankara﹐其實可以話無咩特色無咩玩無咩睇嘅首都。



國父紀念館


當我地係地鐵搵緊點坐嘅時候﹐佢好主動幫我地。之後就吹起水上嚟﹐就帶我地去食kebab快餐店﹐飲土耳其傳統咖啡(好難飲)。我地談旅遊、談國家、談宗教、談未來等等。雖然一個沒趣嘅城市﹐但有一個與當地人趣味談話嘅晚上。

最後就係Cappadocia。


呢碌係…..



去到當然要坐熱氣球啦﹐冬天唔係日日都可以升﹐要視乎天氣而定










你地去其他城市玩咁架單車放邊呀？酒店肯幫你地keep?

見到東邪西毒已正皮

風塵之中 必有性情中人

鍾意得王家衛嘅人 我諗都係性情中人

Agger 撐你呀ching

你地去其他城市玩咁架單車放邊呀？酒店肯幫你地keep?

係呀 通常都係住d好local 嘅酒店（平價） 老闆好好 好易話為

當然貴重野跟身啦

跟進

跟進

巴打 我留意到你
你一直都好支持我