【邪惡迪士尼系列】《白雪公主與七個毒撚》

其實國王嘅背影係落寞嘅。

就算擁有一切，無咗心愛嘅人，喱一切又有何意義？

係風流嘅背後，係一顆空虛嘅心。

飯後，陳紅叫咗一名少年，而嗰位少年就係當中指住白雪公主，話佢平胸嘅少年。

嗰位少年無死到，只係俾白雪公主監禁係城堡入面，好似囚犯咁過日子。

陳紅聽到喱個事蹟之後，十分欣賞喱位少年嘅勇氣，覺得佢可以完全任務。

「咩事呀？」少年十分串嘴咁同陳紅講嘢。

少年名叫許漢，日子已經過得夠苦，已經無咩好怕。

陳紅見此更是欣賞。

「喱種眼神，語氣，十足十年輕嘅我。」

「叫你嚟係想俾個任務你姐，你完成咗，你想要咩就有咩。」

許漢眼前一亮，然後半信半疑地問：「真係？」

陳紅向周邊嘅侍從打個眼色，侍從好識做咁幫許漢解開手扣。

「咁依家你信未？」陳紅好有自信地道。

陳紅嘅機靈醒目，使得佢由一無所有，爬到今時今日嘅地位。

「講！係咩任務。」許漢亦因此相信陳紅係個講信義嘅人。

「我要你聽日我哋去野餐嘅時候，捉走白雪公主，然後係森林入面殺咗佢！」

「哈哈！正合我意！」許漢一早想修理修理下喱個平胸，公主病好嚴重嘅女人。

「咁就得啦！哈哈，我好鐘意你呀！唔好令我失望呀。」

「唔會，你放心。」

「你聽日係白雪公主一張開口要食野嘅時候，就落手，知無？」陳紅下命令。

追完老師故繼續追新故

多謝支持

聽日會加速

樓主快出文

「我到時候會洗走啲侍從，好令你落手。」

「知道！」許漢開始從心底尊敬陳紅，至少佢係有能力能叫人折服。

許漢嘅語氣態度都變得恭敬，同時佢都明白，陳紅唔好得罪。

當佢以為死路一條嘅時候，竟然又出現生機。

「如果我完成咗任務，可唔可以令我幾個兄弟恢復自由？」許漢份人好有義氣，喱種時候仍不忘受難緊嘅兄弟。

「等你完成咗，先再同我講啦。」陳紅語畢，就離去。

翌日，白雪公主盛裝打扮，一起身心情已經好雀躍，因為佢係第一次去野食。

對此幻想咗好耐，覺得感覺一定好好。

陳紅都打扮到好靚，為嘅就係慶祝喱個美好時刻。

「白雪你得未呀？」陳紅露出好虛假嘅笑容。

單純嘅白雪公主睇唔出究竟，仲傻下傻下咁唔知咩事。

「得啦！」

白雪公主著咗件粉紅色連身裙，扎幾咗條孖辦，樣子十分可愛甜美。

佢哋坐住馬車，十分豪華咁出發。

傭人一大早就準備咗好多野食，而且跟住佢哋一齊去野餐。

佢哋嚟到遠離市區嘅草原度，周圍都係俾森林圍住。

許漢係森林入面準備緊，時機一到就會出手。

「幫我準備下啦你哋！」白雪公主命令女傭們。

雖然女傭心裡好不滿，但都照做，為嘅就係搵兩餐。

好多事情一開始嘅時候已經係唔公平架啦，改變唔到，唯有試著去接受。

「屌，乜你哋咁慢架？快手啲啦！本公主依家好燥呀！」

因為嚟到喱度成日俾蚊叮，叮到佢周身唔舒服，啲蚊又係佢周圍煩嚟煩去。

本來白雪公主係帶住美好嘅心情嚟，剛到步幾秒，就後悔啦。

無人，又唔靚，又多蚊。

陳紅見狀，更加覺得佢下喱個決定無錯，咁嘅性格遲早都會遭到毒手，依家佢只不過係替天行道姐。

佢哋草原嘅中央野餐，四圍都係花草樹木，雖然唔係話好壯觀，但其實好自然，俾人一種怡人，陶冶性情嘅氣氛。

一陣接著一陣嘅花香，實在係一種享受，淡淡嘅花香更是提高人嘅食欲。

偏偏白雪公主俾蚊叮到享受唔到，手臂上滿是蚊爛，東一忽西一忽咁，同佢平時白滑嘅皮膚形成一個明顯嘅對比。

「呀！！！我想返去啦，好辛苦呀！」白雪公主忍唔到，大吼一聲。

「但係我哋啱啱先嚟咋喎……」陳紅強裝溫柔，但心底已經受不了白雪公主嘅任性。

「快啲啦！快啲食完返去啦好無！？」白雪公主點都會俾面陳紅。

「真係好撚辛苦呀！」白雪公主成身都好痕，但越𢲷就越痕，成身紅曬咁。

另一方面，陳紅都見到許漢準備緊，只要等多一兩分鐘，事情就會發生啦。

受盡氣嘅女傭們都快快手準備好野食，白雪公主等到好唔耐煩，拎起個三文治。

許漢見到自己期待已久嘅畫面已經出現了，舉上手上嘅馬鞭，一野打落馬屎忽上。

馬兒叫了一聲，便快速地向前奔跑，目標向著白雪公主前進。

率先發現嘅係女傭們，佢哋立即大叫，然後四處逃跑，拉住陳紅往相反方向跑走。

但無人諗住拉走白雪公主。

只剩白雪公主呆呆地留係原地，怔了一怔，唔知應該點樣反應。

而許漢越來越近，白雪公主先知道驚，佢將手中嘅三文治向許漢嘅方向掟過去。

夜晚再出

每50正評就會加更

希望可以多啲人睇

夜晚再出

每50正評就會加更

希望可以多啲人睇

然後想起身跑，但一切已經太遲啦。

馬匹以如閃電嘅速度接近白雪公主，白雪公主都未嚟得切反應，就已經俾人捉走咗。

「呀！！！！救命呀！」白雪公主揭盡全力大嗌，希望有人可以救下佢。

白雪公主心諗：唔會無人救我嘅。

天真嘅佢抱著一絲絲希望，但佢放眼望去，所有人都無動於衷。

無人諗住追上嚟嘗試救走白雪公主。

有幾名女傭係堆食物度搵咗幾粒花生嚟食，一邊望住白雪公主，一邊食得津津有味。

「抵死啦仆街！」其中一名女傭講道。

「佢都有今日啦，忍得佢耐啦仆街！」其他人開始附和道。

其實佢哋都受咗唔少氣……如果唔係為咗三餐溫飽，根本唔需要係度忍得咁辛苦。

「屌！以為自己有幾分姿色就係度耀武揚威！用力地將花生殻吐出嚟，「我呸！」

「佢根本就無當過我哋係人！」

白雪公主面如死灰，佢心中嘅一絲絲希望被撥熄咗，亦不再反抗，任由許漢帶佢去唔知嘅地方。

白雪公主依家諗緊點解女傭們唔救佢，點解可以見死不救？

就算佢之前對佢幾差，都唔應該見死不救呀？

到咗今時今日，你都唔覺得自己有咩錯，錯嘅係人哋。

『我係公主嚟架！點可以咁對我？』

當白雪公主係度思索緊嘅時候，許漢已經一手攬住白雪公主，然後將佢拋咗落地下，動作十分之粗魯而且大力。

「哇！」白雪公主還未嚟得切反應，就已經感到個屎忽好痛。

留名

lm

今晚出文

Push

今晚出文

今晚出文

留名睇下up乜

新讀者留名

「細力啲洗死咩？」佢用盡全力先勉強起到身，佢由細到大從未受到咁嘅對待。

「小姐呀，你以為嚟喱度旅行呀？戇鳩少陣啦你！睇清楚依家咩狀況先講嘢啦！」

白雪公主受咗唔少委屈，扁住個咀，係白雪公主心中，成個世界唔同曬，個腦好似天旋地轉咁。

好似發緊夢咁，但心好痛，好真實。

「嗚…嗚…嗚」終於都係忍唔住喊咗出嚟。

「收聲啦死八婆！你喊都無用架啦！」許漢跟住落馬，然後企係白雪公主面前。

白雪公主抬起頭望住許漢，一臉吃驚地進住佢，「你……」

「係呀！係我話你平胸呀咁點呀？」許漢本來內心係善良嘅，少不更事嘅佢，卻因為白雪公主嘅橫蠻任性，令佢真正咁成大。

係城堡地下嘅囚牢入面不見天日，人如果太天真，係會食到惡果。

就好似眼前喱個白雪公主咁。

「你條仆街！」白雪公主破口大罵，本來心中嘅委屈全都轉為憤怒。

無比嘅憤怒。

淨係話佢平胸，都足以叫白雪公主同佢死過，更甚依家綁走佢？

佢有咁嘅下場，主要就係因為佢，如果佢唔出現就唔會搞到喱個田地。

佢消失，個惡夢就會消失。

白雪公主用全力向前揮拳，可惜每一下都俾許漢以敏捷嘅身手躲過。

「我屌你老母咩！？我有咩得罪你呀！？點解要咁樣對我？」

「明明係你話我平胸先架！」憤怒嘅眼神夾雜著委屈嘅淚水。

「咁你呢！？我只不過係講咗句真話，就要俾你係囚牢入面又打又餓咁？過住啲唔係人過嘅日子？」

「你有無試過嗰啲生活呀？八婆！」許漢怒目地瞪著白雪公主，佢個樣叫白雪公主感到恐怖。

「你唔話我平胸咪無事啦！我係屋企都無人敢咁樣話我架。」白雪公主不放棄地爭拗。

許漢放棄同佢講道理，同女人講道理姐係對牛彈琴。

「你再嘈我就賣你去做雞！」許漢忽發奇想，賣佢去做雞都得喎，應該會有客人嘅。

白雪公主一臉受驚嘅樣子，許漢以為自己嘅恐嚇成功拋疾咗佢。

點知白雪公主嘅下一句好爆……

「咩係做雞呀？」白雪公主一臉無知，從佢嘅樣子嚟睇，唔似係扮嘢。

許漢先是訝異，問道：「你真係唔知？」

「唔知呀。」白雪公主回答得十分爽快，更加令許漢深信。

許漢突然大笑上嚟，「哈哈哈哈哈哈哈哈哈哈哈哈哈哈哈哈哈！」

白雪公主從小就係溫室長大，係一朵經唔起風浪嘅小花。

對於世間嘅平常事，白雪公主唔清楚都係正常不錯，佢未曾踏足喱個社會過，每天都活係童話嘅世界入面。

「遲下你就知咩係做雞架啦！！！」許漢淫淫一笑。

許漢壓根都對喱件妹妹仔無興趣，一見到佢身材同男人無分別嘅身材，就無曬胃口。

拎去賣幾個錢都好，然後去風流快活就好啦。

但白雪公主都唔蠢得曬嘅，佢都感覺到即將發生啲唔好嘅事……

「你想做咩呀？」

白雪公主下意識地退後。

許漢一步一步壓迫過嚟，對住白雪公主露出各式各樣嘅奸笑，「嘻嘻嘻嘻……」

生平，白雪公主頭一次感受到害怕。

喱一種驚，係對於接落嚟唔知會發生咩事而驚。

呢度停？

加甜唔該

甜

仲想睇女女女

留名