【邪惡迪士尼系列】《白雪公主與七個毒撚》

561 回覆
298 Like 13 Dislike
2017-07-31 15:39:04
對未來感到恐懼,脫離咗自己嘅舒適區係會咁不安。

白雪公主終於體驗到,咩叫危險。

「做咩呀你?喊呀?」許漢嘅語氣帶點嘲諷。

許漢認為白雪公主唔抵可憐,佢係需要受啲教訓!

就好似佢之前咁。

未受過殘酷嘅生活,係唔會識得成長,如果無嗰啲地獄嘅生活,佢應該都仲係好天真無邪。

許漢變咗,變得唔再天真。

「哈哈哈哈!依家時候仲嚟喊有用咩?」

「諗下點樣生存好過啦白痴!無人會救你,慢慢你就會大過架啦!」

白雪公主驚到喊係好自然嘅反應,同時佢因為接受唔到有咁嘅遭遇而崩潰。

一艘船如果習慣係無風無浪嘅環境下航行,當佢一遇上風浪,就會沉。

許漢上下咁打量白雪公主,「你……你咁嘅身材呀,我咁咸濕都無興趣啦!」

許漢並不知道喱一句說話對女仔嚟講,係幾咁hurt,好打擊白雪公主嘅自尊心。有咁嘅身材,佢都唔想架。

白雪公主對住許漢怒目而視,滿肚子都係怨氣。

「依家呢,帶你去雞竇之前就帶你去換件衫啦!無理由俾你著件粉紅色衫去嘅。」

「快!走!」許漢又試強行拉走白雪公主。

白雪公主今次無再反抗,反而好似接受咗命運咁。

面對住自己無辦法改變嘅情況,唯有試著去接受。

白雪公主狼狽咁爬上去馬匹度,雙眼無神,衣服都凌亂不堪,好難想像佢之前係一個身光頸靚嘅公主。

許漢往森林嘅深處走,相信穿過喱一個森林,就會見到城鎮。
2017-07-31 16:03:19
2017-07-31 18:05:12
今晚再出

想知大家對喱個故有咩想法
正面or負面我都會接受
2017-07-31 22:23:18
2017-08-01 00:24:35
茂密嘅森林裡散發著神秘嘅芳香,樹木有成40-50層樓高,就許許漢都不禁自問:「喱啲樹點生架?!成40幾層高。」

喱啲樹一定有好耐歷史。

樹與樹之間都密不透風,連一啲空間都無,陽光更加唔洗講,點樣左穿右插都插唔到入嚟。

左右兩旁嘅樹都好自然咁排成一線,形成一條馬路,供許漢佢行走。

係樹蔭下僅僅透出一丁點光線,感覺就好似就快入夜嘅時候,可以見到前面嘅光線唔多。

許漢憑感覺係樹林入面行走,佢哋都行咗好耐,但都未見到森林嘅盡頭。

佢暗暗覺得奇怪,點解好似行極都係同一個地方咁無咩點變?

許漢回頭望一望,後面嘅光景同前面嘅一模一樣。

加上極高嘅樹木俾佢哋一種詭異嘅感覺,打從心底寒起上嚟。

儘管許漢心有恐懼,但都唔想係白雪公主面前流露一分出嚟。

「喂…」許漢輕叫白雪公主一聲。

無回應。

「喂…」許漢暗暗覺得奇怪,頭先回望嘅時候白雪公主都好似無咩嘢咁。

許漢再望真啲,發覺白雪公主已經六神無主,行屍走肉咁款。

係喱個森林入面,更加睇唔到一絲希望。

不久處,許漢終於見到有間小屋,係森林嘅盡頭。因為條路嘅終於就係小屋,無第二條去路。

「屌,咁辛苦入到嚟,點知係無路走嘅!」

許漢計過啦,由喱度出返去再搵第二條路去城鎮都要一兩日時間,佢仲要返去同陳紅交差架。

許漢把心一橫,不如就賣俾喱戶人家?做個奴僕都OK。
2017-08-01 00:35:52
令人戰慄的格林童話
2017-08-01 12:34:25
或者呢個故既題材相比其他故冇咁貼地,巴絲打較難代入,所以少人睇

但我自己覺得good try, 有新意好過千遍一律,所以keep going加油

ps唯一覺得節奏可以快少少
2017-08-01 15:37:29
書生

我來追第二個故數架
2017-08-01 18:16:08
幾好睇 支持
2017-08-02 00:48:43
喱間小屋十分之古老,小屋由木製成,啲木有好多裂縫,望落去殘殘舊舊咁。

許漢心中大喜,『係啦!俾喱個嬌生慣養嘅公主體驗下窮人嘅生活都好,嘻嘻。』

諗到咁,佢嘴角就向上翹,笑面迎接屋入面嘅人。

「有無人呀?」佢聲音有點因為興奮而抖震,敲一敲門。

過咗一陣,有人開門,一把低沈嘅聲音響起,「係?」

出嚟開門踠係好矮嘅男人。

留著一個油頭,唔係將頭髮都往後梳嘅油頭,而係蓬鬆,亂到好似雀巢咁,個頭油到反光。

臉上都係一撻撻嘅暗瘡印。

許漢同白雪公主見到都嚇一跳,因為佢哋第一次見到咁樣衰嘅人……

不過兩個人嘅反應係唔一樣嘅,前者係好開心,後者係唔開心。

白雪公主終於有反應,唔再好似一舊木咁。

「喂!你真係諗住……?」

「我唔想呀!我真係唔想係喱度生活…」白雪公主面容扭曲,本來已經認命嘅佢,勢估唔到會咁樣。

「求下你呀……唔好揼低我呀…」不可一世嘅白雪公主,從未求過人。

今日係佢人生最大嘅轉變,一瞬間由天堂跌落地獄,連凡間都未曾掂過。

許漢見到咁,心生一點點憐憫,因為佢嘅求情而打動咗佢。

其實許漢係個好善良嘅人,只不過講嘢係直咗啲姐。

但當佢見到白雪公主一身粉紅色連身裙,打扮得十分之高氣,提醒咗許漢。

眼前喱位少女係不久之前係一名公主。

「求?我係你城堡入面求咗人哋幾多次放我出去,但結果呢?有無因為咁樣而理我呀?」

「喂喂喂!你哋想點架?!嚟運吉架?」幫手開門嘅毒撚見到唔耐煩。
2017-08-02 01:07:09
2017-08-02 17:07:19
白雪公主方知自己理虧,知道自己對人唔好,憑咩要人哋以德報怨?

佢只好垂頭喪氣,任由佢處置。

反正都無人救我架啦……可以點姐?期待有個王子出現?拍韓劇咩?

「無…頭先真係失禮曬呀。」許漢恭恭敬敬咁同喱位毒撚男子講嘢。

荒山野嶺,四處無人,如果喱度唔敢買白雪公主嘅話,要搵下一個賣家真係難上加難呀。

「姐係咁嘅,我依家身後嘅奴僕實在太過阻掟啦,想將佢賣俾你哋,唔知你哋願唔願意呢?」

喱位毒撚名叫嘉輝,係屋入面仲有六名毒撚,外型都同佢差唔多。

佢哋係俾自己村入面嘅排斥,先搬入深山入面,以逃離煩囂嘅社會。

因咩事而排斥,都已經可見啦,唔需要點樣多講。

「唔要,我哋無咁嘅錢,亦唔需要。」嘉輝冷冷地道。

勢估唔到,佢竟然會拒絕許漢嘅一番好意,而許漢以為成功機會好大,點知…

「咁送俾你呢?要唔要呀?」許漢不死心,再三問道。

「唔要!」嘉輝立場好堅決,亦好唔耐煩。

「咩事呀嘉輝?」係嘉輝身上又出現咗一名毒撚。

「無嘢呀!死返入去啦!」嘉輝好不滿意身後面嘅啟明。

許漢見到機會嚟啦,上前同啟明講,「我賣緊喱個女仔呀,你要唔要呀!?」

許漢推咗白雪公主上前,嘉輝頭先睇得唔清楚,覺得一般貨色,但依家近睇之下,不得了不得了。

好pure好純,好gfable,好正!

兩位毒撚好自然咁吞咗啖口水,因為佢哋未曾見過咁靚嘅女仔。

許漢一望到佢哋反應,就知道已經成功咗。
2017-08-02 17:09:20
或者呢個故既題材相比其他故冇咁貼地,巴絲打較難代入,所以少人睇

但我自己覺得good try, 有新意好過千遍一律,所以keep going加油

ps唯一覺得節奏可以快少少


好多謝你嘅意見 好難得先有一個意見

節奏如果再快少少嘅話我怕會好快就完 所以自己就寫長咗少少,希望你哋會鐘意啦!
2017-08-02 17:09:55
幾好 不過好多錯字

好的!我會改善
2017-08-02 17:10:13
書生

我來追第二個故數架

我都仲有好多故數要還
2017-08-03 00:41:57
無人睇
2017-08-03 00:54:06
留名
2017-08-03 01:38:44
2017-08-03 08:30:32
文呢
2017-08-03 08:41:39
有文咪有人睇
2017-08-03 10:18:58
留名
2017-08-03 12:13:24
LM
2017-08-03 13:01:44

今晚返嚟加速三篇
2017-08-03 13:45:10
加速
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞