趕故書生
2017-08-16 04:10:28
白雪公主決定唔諗咁多,因為佢點諗都諗唔到個問題出嚟。
其實個問題就係自己身上,偏偏佢搵唔到。
係佢自己唔想承認呀,定真係覺得自己無問題呢?真係百思不得其解。
白雪公主意識到一個好嚴重嘅問題,佢只有喱一套衫——粉紅色連身泡泡裙。
一件好靚衫,但依家變到殘殘舊舊,污糟曬。
白雪公主企係鏡面前,頭髮亂到乜咁,一身烏黑,污糟曬咁。又係嘅,成日無沖過涼。
佢望住鏡入面嘅自己,不敢想像喱個係佢,喱個人係公主咩?
「白雪,你睇下你,似咩?」
白雪公主實在接受唔到鏡中嘅自己。
於是佢諗到,並因此做咗喱個決定。
「我要做返白雪公主!既然我返唔到去,我唯有改變喱度!」
「我唔可以就咁係度過一世!我 唔 想 !唔 甘 心 !」
趕故書生
2017-08-16 15:13:29
白雪公主見到個客廳亂到一團糟咁,咁其實咁多個麻甩佬一齊住,係幾難企理。
啲衫周圍放,仲要一陣味,見佢哋洗衫都係求其洗。
先唔講佢哋個造型幾咁不修邊幅,就連生活都係求求其其,唔諗住整理。
白雪公主真係睇唔過眼,自己落手落腳去執。
唔知佢係有潔癖呀定係有強逼症,總之佢見到咁樣就好唔安落,個心好唔舒服。
佢去翻熱嘅飯嚟食,佢第一次用微波爐咋,平時都有女傭幫手,甚或唔會翻熱,會叫廚房重新整過。
幾經辛苦先搞掂完,而且係好平民,平時白雪公主係唔會食。
今時今日,真係風水輪流轉呀……
白雪公主真正體驗到咩叫「食而無味」,食完都唔知食咗咩,連咩味都唔記得,亦唔想記得。
食喱啲嘢就好似古時打仗食糧食,目的只係為咗充饑。
白雪公主有返動力之後,就幫手執嘢,佢哋啲有好多污積,但今朝佢哋飲起上嚟好似完全唔覺得有啲咩問題。
白雪公主一諗到咁,就覺得好噁心。
仲有要幫手整理佢哋嘅底衫褲,哇!噁心到呢,有啲上面仲有白色一撻撻嘢,唔洗問都知係……
白雪公主差啲就將頭先嘅飯嘔返出嚟,「啲咩人嚟架?平時點生活架?」
毒撚真係好可怕。
白雪公主用咗成個下就先算係清理得點,佢仲要無口罩可以用,成程忍住啲臭味。
本身係無乜嘢嘅,係聞唔到架,但一整理嘅時候,臭到成間屋都係。
白雪公主仲要走都走唔到!