一場公司飯局,我們的命運從此改寫

1001 回覆
228 Like 8 Dislike
2017-08-06 23:49:00
2017-08-07 00:19:38

睡前一推
2017-08-07 09:32:51
星期一又要番工
2017-08-07 11:03:52
星期一又要番工

尋找正能量
2017-08-07 11:33:31
星期一又要番工

2017-08-07 14:05:13
星期一又要番工


2017-08-07 19:44:50
(第十四章:神秘遇襲)

我與Yumi相約在牛角附近的二樓咖啡室見面。

「我唔想喺牛角傾依件事……」她在電話中說。「我有其他同事喺度。」

我地揀左一間比較少人既二樓咖啡室,坐低叫左兩杯野飲。我耐心聆聽Yumi講述事發經過:

由於編更問題,我地餐廳既落場時間只會剩低好少員工,咁尋日咁啱就只有Simon同我兩個。

我地按規定熄左一半既燈,同埋落下大部份窗簾,所以除左門口位同埋廚房入口之外,成間餐廳都比較暗。

餐廳既裝修係U型間隔,中間整左個位做冷倉同雜物房,所以門口位同餐廳尾部係隔開左。如果你坐喺尾部,想睇下門口有邊個入左黎,就要行去中間先可以望到。

咁我如常坐喺尾部休息。我自己沖左杯野飲,坐低飲左兩啖,無耐就伏喺張檯度瞓著左。

朦朧中,我隱約聽到好似有人喺度講緊野。佢地傾得好細聲,好似喺度討論緊一d野。

當時我已經覺得奇怪,因為餐廳應該只有兩個人,咁Simon到底係同邊個講野?但我睡意正濃,所以咩都無理,繼續瞓覺。

隔左一陣,突然傳來一陣尖叫聲,我認得把聲係Simon。立即又傳來一陣檯櫈猛烈碰撞的聲音。我成個人即刻醒左,抬起頭,但望唔到門口。

我試著問:「Simon?」但成間餐廳突然之間靜晒,Simon無應到我。

我決定唔再出聲,並且避免發出任何聲響,靜靜咁行出去。

餐廳真係好暗。喺門口位既燈光映照之下,我見到檯櫈凌亂,Simon伏左喺地下度。

「Simon!」我不疑有詐,立即衝左過去,拍打Simon的肩膊,但佢無反應。

忽然我聽到前面有d聲,於是即刻望出門口,但見唔到有人影。

我當時真係好驚,眼都唔斬咁望住門口。我想陏,但竟然雙腿發軟,一時間只能企左喺度。

我決定打電話求救,但我部手機放左喺餐廳尾部,無帶過黎。於是我勉強定了定神,保持眼望前方,開始慢慢向後移動腳步。

我一直凝神注視門口,忽然諗:Simon會唔會有手機喺身?

就喺依個時候,我聽到腦後有「咻」一聲,接著後頸有一下微微針刺既感覺。剎那間,我只感到全身乏力,雙目慢慢閉上,跟住就失去左知覺。

之後係晚市既同事叫醒我。佢地問我有無事,係咪跌傷左個頭。

我在同事的撐扶下掙扎著站起來,只見檯櫈排列整齊,原本伏喺地下既Simon已經唔見左。
2017-08-07 19:46:40
「當時我真係懷疑自己係咪出現幻覺,因為我檢查過後頸,發現唔到針刺既痕跡……」她猶有餘悸地說。「但Simon真係唔見左,打電話無人聽,whatsapp亦都無online。」

「咁你報左警未?」我問。卻見Yumi搖搖頭。

「點解你唔報警?」

「我將依件事報左畀會社知,但會社方面重未有決定。」

我一直都唔知Simon同埋Yumi既真正身份,只記得Simon話佢地「有更重要既事要處理」。

「依家Simon失左蹤喎!」我說。「Simon畀人擄走左,你自己又畀人襲擊,咁樣你都唔報警?」

「會社喺一兩日之內會有決定,到時我會按指示做。相信會社方面亦會派人黎香港支援我地。」

Simon係一個成熟謹慎既人,言談間從未留下任何曝露身份既蛛絲馬跡。但年輕既Yumi始終入世未深,只係講左幾句,就已經洩露出自己係一個海外組織既成員。

我記得Simon講過,Kabu既漢語即係株式會社。咁Yumi剛才所講既「會社」,係咪即係另一間日本公司?

既然Kabu Japan可以擁有間諜部,其他公司一樣可以擁有。咁唔通Simon同埋Yumi係來自另一間公司既間諜?但Yumi只係一個細路女,點可能從事咁專業既工作?

我知道再問落去既話,可以從Yumi口中取得更多情報,但眼前最重要既並唔係依點。

「Yumi,你諗唔諗到對方係用咩方法攻擊你既後頸?」

她再一次搖搖頭。於是我將樂仔漏左支筆槍喺W商人度,同埋W商人發現樂仔真正身份既事講出黎。

「你所講既針刺感覺,好可能係筆槍造成,」我說。「妳搵唔到針刺既痕跡,係因為支針實在太細,而且已經畀人拔走左。既然對方會花心思將檯櫈整理好,當然唔會留下其他更重要既證據。」

「眼前最重要既事,就係你一定要報警。」我續道。「根據你既描述,對方好可能係從正門離開,咁樣閉路電視無可能影唔到。」

「旺角周圍都係閉路電視,只要第一部閉路電視影到,跟住一部接一部追查落去,一定可以搵到更多線索。」

我設法說服Yumi報警,除左因為顧及Simon既安全,亦想到筆槍使用者一定係同樂仔有關,所以如果警方搵到今次既施襲者,即係有機會可以知道樂仔既下落。

又可能樂仔就係施襲者其中之一。根據Yumi既講法,施襲者起碼有兩個人,一個擊倒Simon後從正門離開,另一個躲在黑暗處從後偷襲Yumi。

觀乎對方既行動,目標應該只係Simon一個,會唔會係同Simon之前拍攝mancow既相片有關?

「我明白你既意思,亦都理解報警係一個恰當既做法,」Yumi堅持己見。「但我首先要等會社作出決定,先可以邀請警方介入今次既事。」

我心裡暗忖:到底係咩「會社」咁嚴格,對「會員」既操控性咁大?如果係特務組織,無可能咁耐都落唔到決定。

然後Yumi問我關於樂仔既下落追查成點,我如實相告,話畀佢知我至今毫無頭緒。

「Karson先生,你記唔記得我之前講過,發生於佐賀既失蹤事件當中,係有一位生還者?」她忽然問。

「記得呀。」我說。之前我用iPhone的記事簿功能mark低相關資料,一直都無delete。

「其實嚴格黎講,我地無法確定依位『生還者』是否仍然生存,因為我地一直都無太多資料。」

「但好奇怪,失蹤事件發生之後,依位『生還者』好快就辭左職、搬埋屋,簡直就好似刻意消聲匿跡咁。」

「可能你會懷疑佢已經不為人知咁與世長辭,但佢既情況同其他人好唔同。」

「其他人係喺毫不知情之下死去。觀乎依位『生還者』既行動,似乎佢係知道即將會有不幸既事降臨喺自己身上,所以先設法去逃避。」

我覺得Yumi有重要既資訊想同我講,不過我就聽得唔係好明。

「咁其實你想帶出d咩?」我直接問。

「我想帶出既係……你一直將全副心機思考點樣去搵人,但你有無諗過做其他野,嘗試去令自己擺脫依件事?」

「佐賀既『生還者』選擇辭職同埋搬屋……我唔知最終係咪成功,但起碼佢係咁耐以黎,唯一一個未被證實遇害既人。」

「雖然無咩科學根據,但你會唔會參考一下佢既做法?」她說。「反正暫時都搵唔到你個朋友,咁不如試下從其他角度處理依件事,可能會有轉機都未定。」

面對生死關頭,我唔知應唔應該去相信一個細路女既見解,但有一點佢分析得完全正確,就係我已經無其他出路,只要係有一線希望,我都應該去嘗試。

(第十四章完)
2017-08-07 19:50:10
劇情,文筆都正。 支持!
2017-08-07 20:04:33
劇情,文筆都正。 支持!

多謝支持
2017-08-07 20:08:25
2017-08-07 20:24:29

2017-08-07 20:42:30
理性上係應該走
但實際上如果走的話
個故好似無咁好睇
為左大家男主都係留底喇
2017-08-07 21:23:34
理性上係應該走
但實際上如果走的話
個故好似無咁好睇
為左大家男主都係留底喇

命仔要緊 (好似係)
2017-08-07 21:37:06
2017-08-07 21:53:41
好嘢! 有文!!!
2017-08-07 22:40:46

2017-08-07 22:51:33
好嘢! 有文!!!

2017-08-07 23:54:37
2017-08-08 00:18:01

睡前一推
2017-08-08 13:34:39
大家請讚好本小說的facebook專頁

https://www.facebook.com/TheFatalDinnerWithCoworkers
2017-08-08 14:46:19
2017-08-08 16:27:18

長期巴
2017-08-08 17:39:44
大家請讚好本小說的facebook專頁

https://www.facebook.com/TheFatalDinnerWithCoworkers

2017-08-08 19:58:43
大家請讚好本小說的facebook專頁

https://www.facebook.com/TheFatalDinnerWithCoworkers


三好絲
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞