一場公司飯局，我們的命運從此改寫

(第十二章：商業間諜)

「我以爺爺既名義發誓，我一定要搵出今次事件既兇手。」一位束小馬尾的少年說。

這是《金田一少年之事件簿》的經典對白。主角金田一一是名偵探金田一耕助的外孫。雖然外表吊兒郎當，金田一一卻擁有高超的破案頭腦，每次都能偵破故事中的殺人事件。

每個金田一的故事，都總有一名兇手。但我所面對的困局，所謂「兇手」又係邊個呢？郭Sir和Michelle被不同人所殺，行兇者早已被警方輯拿歸案。

從宏觀角度睇，可能個別行兇者只不過係表面兇手，成件事既「幕後真兇」，其實係一直潛藏於某處既樂仔。

金田一一經常會詢問事件中不同的涉事者，藉以尋找線索。關於樂仔既行蹤，唯一知情既Michelle已經死左，問過Felix又得唔到咩情報，而無去飯局既Jason只係一個局外人。

咁唔通要我問TT？但佢最近咁燥底，加上Felix好快會就偷拍既事報警……無必要既話，我都唔想同TT有咩野講。

正當我以為毫無線索既時候，給予我下一個啟示既，竟然係一個意想不到既人。

這天，我來到W商人的辦公室商討program既進展。傾完公事之後，W商人忽然向我重提筆槍既事。

「你都知，我既業務好廣泛，」他說。「我有好多生意都同日本仔有來往，其中有一間好出名既日本公司，專門生產精密機械，我同佢地既社長不留都有兩句。」

「我拍左段筆槍發射既片畀佢睇。起初佢都好口硬，死都話唔知依件係咩黎，」他繼續說。「日本人好講誠信，而且佢應該係同客人簽訂左保密協議，所以我問極佢都唔肯講。」

「不過我都企硬，最終喺我旁敲側擊之下，佢終於都漏左口風，承認佢地公司有生產依支筆槍。」

「依種高科技裝備成本好高，能夠用得起既，只有國家級既特務機關，或者係大型跨國公司既間諜部門。」

「如果係同國家層面有關，我唔會繼續查落去。」他說。「不過喺我派人明查暗探之下，終於發現左有一間日本跨國公司，佢地既間諜部門係有使用依種筆槍。」

W商人用遙控器開啟牆上的投影屏幕。經過數秒的藍色畫面後，屏幕上出現了一張日本大廈的相片。

「依個就係佢地喺東京既總部，」他說著將大廈上的日文名稱放大。「依間公司個名你聽過未？」

「聽過。」我說。依間公司正正就係Kabu Japan。

「依間係日本飲食界既龍頭企業，佢地既食肆遍佈東南亞，香港亦有唔少分店。」他說。「Karson，聽到依度，你覺唔覺得有咩奇怪？」

「一間飲食業公司，點解需要有間諜部門？」我一針見血地說。

「Bingo! You got the point.」他展示出滿意的笑容。

「所謂間諜部門，其實好多金融或者科技公司都有，不過基本上無人知，因為喺公司架構入面搵唔到，相關既經費亦都會用accounting既手法隱藏左。」

「咁依家講返你個問題，」他說。「你認為一間飲食業公司，點解需要設立一個間諜部門呢？」

「因為佢唔止一間飲食業公司咁簡單。」我再次一矢中的地說。

「好野Karson，」他笑說。「果然叻仔。」

他在鍵盤上一按，屏幕中出現了一位老人的相片。這位老人身穿黑色西裝，雙目炯炯有神，從輪廓看來，應該係日本人。

「依位長者叫山本正隆，係公司既創社社長，已經八十幾歲，不過仍然堅持親手打理業務，同我地香港既家誠哥都幾似。」

「山本正隆喺一九七三年創社，初期公司好唔穩定，董事局成日轉人，間公司亦都改過幾次名。」

「翻查紀錄，山本正隆最初好似係想搞化學科技公司，跟住又想轉搞金融，最後竟然搞左飲食業，一搞就搞左幾十年。」

「不過有傳言，山本正隆一直無放棄當初創社既諗法，暗地裡繼續經營化學科研，重會做有關DNA工程既研究。」

W商人按在鍵盤上，畫面轉為一宗網上新聞報導，標題寫著：加工腐肉，食左落肚都唔知！

「依單新聞，你有無印象？」他問。

「有，」我說。「好似話佢地既牛肉內部已經出現腐爛，但仍然賣畀d客食。」

W商人點點頭。

「約莫兩年前，有研究所對依間公司既肉類進行抽樣化驗，結果顯示肉質已經呈現相當程度既腐爛。」他說。「Karson，我講到依度，你又聽唔聽得出有咩唔妥？」

我將視線斜開去，想了一想。

「係咪同研究所既目的有關？」我說。「點解咁多間唔驗，係都要揀依間公司黎驗？」

W商人對我微微一笑。

「其實抽樣化驗係好common既事，幕後可能係傳媒邀請，或者係競爭對手sponsor，」他說。「依單野既重點，並唔係目的，而係結果。」

「你諗下，正常一塊肉，腐爛就係腐爛，一般檢查都可以睇到，根本唔需要拎去化驗咁大陣象。」

他說著用投影筆在這篇新聞報導上打了一個大交叉。

「依單新聞，流既。」他說。「實情係，依間公司所售賣既，根本就唔係普通肉類咁簡單，而係一種用化學方法製造出黎既合成肉。」

「即係比如，我地依家要食雞肉，首先一定要養雞。」他續道。「但依間公司用左一種新技術，可以繞過養雞既步驟，直接喺工廠將一塊塊雞肉生產出黎。」

「由於社會對合成肉仍然係好反感，加上以宗教團體為首既保守勢力大力抗議，所以相關既研究工作一直都係秘密進行。」

「其他國家，比如美國同加拿大，其實暗地裡都有進行合成肉既研究，」他說。「但到目前為止，有能力而且有膽量將合成肉投產既人，我諗就只有山本正隆一個。」

他說著又在鍵盤上按了一下，畫面轉為一個影片播放器。他點擊播放器中間的Play。只見影片的畫質十分差，而且一路都疾下疾下，原來係一段閉路電視片段。

這時他看準了，點擊Stop，然後跟我說：「Karson，你認唔認得依個人呀？」

畫面是一條室內通道，從裝修和行人的衣著看來，應該係一個辦公室。

W商人將那人的容貌放大。由於畫質實在太差，放大之後有點起格，但仍可勉強分辨出那人的五官輪廓。

「樂仔？」我說。「依個係阿Lok黎嘅？」

「你覺得似唔似？」他說著點擊播放另一段閉路電影片段，按下Stop之後，同樣再將那人的容貌放大。

從這個角度看得更清楚，真係樂仔黎！

「依個人叫淺野京一，係山本公司既商業間碟，專門負責盜取其他高科技公司既研究資料。」他說。「Karson，你係咪講過阿Lok當時消失左，連閉路電視都影佢唔到？」

「係呀。」我說。

「依個淺野京一，非常擅長易容，」他說。「佢以往曾經以唔同既外貌同身份，多次成功偷取其他公司既機密資料。」

「你話閉路電視影唔到佢離開，咁可能係因為佢當時易左容，」他續道。「咁閉路電視其實係影到佢，之不過我地認佢唔出啫。」

W商人說得十分有理。除此之外，真係諗唔到點解樂仔可以憑空消失。

「既然阿Lok擁有嗰支筆槍，咁我諗……佢真係山本公司既間碟。」我說。「原來佢唔係fresh grad，而且重係日本人……」

此時我的心中立刻浮起一個疑問：咁點解佢要加入我地公司？

我地公司並唔係咩科技龍頭或者金融巨企，只不過係一間稍有規模既本地公司。我地team人係一個不折不扣既銷售團隊，絕對無任何機密情報……

應該重有好多野係我地未知。成幅砌圖根本砌唔埋，重有好多塊我地都未搵到。

「Karson，我重想向你介紹一個人，」W商人說著用鍵盤轉換畫面，屏幕上出現了另一個男人。

此人約莫四五十歲，戴眼鏡一副方字口面，說不上有什麼神彩，似乎是一個作風低調的人。

「依位日本人叫伊藤勇次，係山本公司既副社長，」他說。「佢老豆叫伊藤五郎，當年同山本正隆一齊創社。聽講伊藤五郎極力主張搞金融業，不過到最後都搞唔成。」

「伊藤五郎早死，副社長既位置由佢個仔，即係伊藤勇次接任。」

「自此之後，傳言山本正隆同伊藤勇次經常出現分歧，甚至試過開會期間炒大獲。」

「爭端既起因，除左係兩代之間觀點唔同，更重要係涉及權鬥，」他說。「山本正隆膝下無兒，如果退落黎既話，伊藤勇次就好有機會可以登上社長既寶座。」

「山本正隆絕少出席公開場合，所以我從來都無見過佢真人，」他續道。「相比之下，年青既伊藤勇次就活躍得多，經常出席各大商務場合及研討會，我亦有幸見過佢幾次，重試過一齊食飯。」

「伊藤勇次既性格同佢外表好唔同……你唔好睇佢木木獨獨，其實佢個人好風趣健談。」

「始終山本先生都八十幾歲，我諗伊藤勇次取而代之成為社長，只不過係時間問題，甚至係一兩年之內會發生既事。」

關於山本公司既人事架構，我與W商人暫時話止於此。

雖然我對樂仔既下落依然毫無頭緒，但起碼我已經得悉佢既真正身份，同埋估到佢神秘消失既方法。

如果要進一步搞清楚山本公司間諜部門既事，我諗可以試下問Simon，應該會有d眉目。

(第十二章完)

Sorry，第十二章有部份寫得唔係咁好，要重寫

我太廢，Sorry

對唔住，令大家失望

多謝一直幫我推post既長期巴長期絲

我需要一些時間brainstorm一下點寫

希望下次能夠令大家滿意

用埋牛角個名 因住比人del po

用埋牛角個名 因住比人del po

我都研究過依樣野，但應該用咗「本故事純屬虛構」就無問題。

Lm

用埋牛角個名 因住比人del po

關於依點，我再諗下，多謝巴打提點

對唔住，令大家失望

多謝一直幫我推post既長期巴長期絲

我需要一些時間brainstorm一下點寫

希望下次能夠令大家滿意

好緊張 樓主加油

對唔住，令大家失望

多謝一直幫我推post既長期巴長期絲

我需要一些時間brainstorm一下點寫

希望下次能夠令大家滿意

好緊張 樓主加油

既然我都寫咗咁多 應該可以寫埋落去

Never give up

我會修改第12章，內容大義都係差不多，不過就會寫得好d，同埋會提到點解日本人會識講廣東話

lm

文啊

我重寫左第十二章，會寫明係version 1.1，現在會post。

Good