講番尋日見工d野。
碌咗社會七年,以往見工失敗,我最多都係失望或質疑自己,今次係第一次覺得被侮辱。
話說尋日約四點見工,我到咗之後,然後佢要我喺地下大堂填多份申請表。
我到時,已有一個約早一節時段見工嘅坐喺度等緊。(我叫佢阿A啦)
然後,阿A比職員叫上一樓見校長 (一樓同地下大堂得一條樓梯,佢見完工走時,我一定見到)。
跟住,我喺地下大堂呆坐等個半鐘,阿A都無落嚟 (即係見咗個半鐘)。
到5:30時,職員叫我上一樓,但佢又唔係叫我入校長房,而係叫我入去一間等候室 (即係一間細班房),
如是者又等咗15分鐘,之後校長入嚟等候室。
正式In時,以往我In 咁多次,都係校長同我一問一答咁,但今次呢個校長卻講咗一句:「呀,我雖然無拎你份resume嚟,但我記得我係比你辯論履歷吸引嘅」。之後佢就dead air,我就唯有自己solo「辯論如何與中文教學相結合,以及辯論教育的理念」10分鐘,但係校長係一D反應都無。
我solo 完後,佢就直接話「如果你喺我地學校,你可以帶領D咩活動嚟令學生更上一層樓?」,我就唯有再吹「帶辯論隊」同「鼓勵同學參加徵文比賽」,吹多5分鐘,校長都係無反應。
最後,校長就話:「呀,其實我覺得你幾好嘅,希望你喺我地學校或其他機構,都能夠keep住呢個心同態度,為莘莘學子服務啦。因為我地都仲要篩選,拿,你都睇到仲有幾份申請啦,我房入面都仲有幾個candidate 見緊。如果係right candidate,聽日12點前會收到電話,咁今日interview都差唔多了」,成個in,10幾分鐘收工。
到走時,我真係好嬲。
如果你睇到我份CV,你係覺得唔啱駛嘅,你可以唔叫我嚟In,我無話可說。
但係,你叫我嚟in,呆等個半鐘我可以接受,但係你求其劈我落間等候室,敷衍我10幾分鐘就收工;其他candidate 你就安排入校長房In 個幾鐘。駛唔駛用一種咁侮辱嘅方法嚟打發我?
可能其他人喺等候室等咗好耐呢
不過要人等個半鐘真係好仆街,呢啲學校嘅行政唔方好得去邊。
重點係其他人係入校長室面試,
我係喺大堂呆等個半鐘後,再被丟入等候室,校長只喺等候室打發我。
番工巴 我都有類似經歷
走個陣仲要俾校長用叫我過主既語氣叫我走
間學校係九龍城區?