現時世界就好似marx 咁想像而發生
國家物質水平上升
會慢慢由資本主義過渡為福利主義
唔再因為你既能力如何而判斷你擁有幾多野
("國家提供福利"唔係貪婪既結果,反而係彰顯人性)
終於有人講﹐marx係講緊資本主義最後會演化成共產主義﹐歷史上嘅共產政權根本就係拔苗助長
不過我未諗通究竟依家嘅自動化浪潮會演化成點。事實上大集團又好個人又好好多都抱住殘民自肥嘅心態去發展所謂人工智能。究竟係咪真係會過渡成共產主義我真係唔敢肯定
我諗會係和平既方式,係談判出黎既結果。
我地已經俾neo-liberalism毒害良久唔少人覺得自己搵到錢完全因為自己叻﹐其他人佢死佢事最好差過自己﹐咁嘅心態係唔會和平到,唯有寄望呢類人唔會得到資源。但我反而諗會唔會到最後要打一場大戰?
我反而覺得會和平談判過渡到既原因係,會愈來愈多人好似你咁諗。浸淫係呢一片假自由既假像,同漫無目的既機械式工作,最後會醒覺,we want peace and want to creat meaning for our life
我有d 懷疑人有傾向想creat meaning for our life
前面有個巴打講過(太前唔想搵番,我重新elaborate 下)
如果人無左工作同困難,人能唔能夠自發尋找生存意義?
如果ai 可以叻到幫我地處理哲學問題(先唔講點解佢地唔造反)
令我地所有問題得到解答(我地諗問題既速度永遠追唔上佢地solve 問題既速度)
人生都應該幾苦悶
如果ai 做出黎既藝術(eg 畫,音樂)都比我地好一百倍
我地仲有無心機做?
in some sense 你擅長呢樣野先會有興趣做落去
我地會唔會太神化所謂ai 硬係覺得就同二千年初科網泡沫果時咁﹐不過係合理嘅﹐人面對新嘅技術初初係會覺得好神奇覺得個技術係全能。
其實人個意義唔係在於要變成最強﹐正如你唔會覺得有咗車之後人嘅移動就變得冇意義一樣﹐點跑都唔會快得過車,負戴量係人嘅幾百幾千倍。但人嘅自我形象一樣冇變得頹靡。
即使即時翻譯已經出現咗﹐去學習一種新嘅語言並唔係冇意義。靠自己睇得明外文嘅書聽得明外文嘅歌一樣係咁令人喜悅。google translate只係一個幫我加快學習嘅工具
同埋﹐所謂ai只係係一個工具﹐同一部洗碗機、洗衣機、貨車嘅功能唔差得遠﹐都只係一個輔助人做到某啲唔想做、做唔到嘅工具。當然﹐最重要係要避免呢個工具只陷入小撮人嘅手到﹐情況例如得一小撮人有貨車﹐控制晒全部人嘅運貨能力去謀取暴利一樣
我本身係以為機器都係跟command 做野
但後來有個frd 同我講machine learning 之後(我唔知佢有無吹大啦當然)
我會覺得機器做到既野已經遠超我既想像
https://www.upower.com.hk/article/91311-ai%E5%96%AE%E6%8C%91dota2%E4%B8%96%E7%95%8C%E5%86%A0%E8%BB%8D-%E4%BA%BA%E9%A1%9E%E7%AB%9F10%E5%88%86%E9%90%98%E6%85%98%E6%95%97
咁岩睇左呢段新聞,我地再判斷下現今機械有幾恐怖
為咗方便打字我下面都係將machine learning﹐deep learning都歸入ai算
其實之所以話可能太神化ai係因為我地睇到嘅係ai可以喺咩領域上超越咗人﹐當然依家最hit嘅 Reinforcement Learning算係Alpha Go, Dota背後嘅原理﹐而人嘅學習方式真係好似呢個原理﹐所以會出現同人一樣,勁過人類嘅ai 係會發生的﹐即使如此﹐我認為ai 嘅本質係冇變到。
但我嘗試喺呢到提出一個論點﹐就係ai嘅本質係一個幫助/代替人類思考嘅工具。即使萬能嘅ai出現咗(正如啱先有人會將ai當人﹐其實我唔認為一個將所有嘢都集合晒嘅ai 係一個好嘅諗法) ﹐目前我地睇到嘅係圍旗﹐dota都勝過人類﹐但點解呢啲ai要喺呢兩個領域上贏過人? 只係因為有人set咗話俾佢知贏到圍旗同Dota就係reward﹐點解呢個係reward其實ai係唔會思考到的。即使有人set咗個負責去set 玩呢啲game 嘅 reward嘅ai。
其實都存在一個人類需求喺入面﹐而基於呢點﹐ai亦都只係一個工具
我仲有嘢未寫完﹐但要返咗工先一陣再喺電腦寫