資本主義有如scarcity嘅催化劑,咁要解決scarcity係咪要革除資本主義體制?
分返開需要同想要,要滿足溫飽等需要,其實資源分配得宜,便可消除scarcity,至於想要方面嘅scarcity,大概係人心嘅問題。
其實現時同你講嘅"所有資源分配都靠權力去分"有咩唔同?現時透過金錢支配資源,唔係有錢即係有權力咩?
講到尾,我諗唔係共產嘅問題,而係權力不對稱嘅問題
有﹐金錢可以累積而權力唔得
資本主義下﹐你有錢可以得到某啲嘢而冇錢得唔到。我可以透過之前唔去洗錢最後一次過去換取一啲更大嘅嘢。
一個例子﹐食A5牛扒。
A5 牛扒可以係一個scarcity嘅例子。產量跟唔上人想鋸扒嘅慾望。所以我唔能夠餐餐3、40 蚊食到牛扒﹐但即使我係社會底層逗緊最低公資都好。我可能平時食頹啲儲吓錢都有辦法食到﹐又或者調節自己既目標食吓中國黃牛。呢個已經係一個資源分配嘅例子。用錢去約束人無窮嘅貪婪。但可以轉吓視覺去北韓﹐電視機係一個scarcity﹐我要擁有一個電視唔係我努力或者節憸就得到。係講究你嘅階級。咁人係冇一刻滿足到自己
但你係啱咗大半嘅﹐資本社會下必然有人搵錢多過人地好多﹐而權力亦都可以攞嚟賺錢﹐佢地根本唔駛節制對物質嘅慾望。呢個係資本主義下唔完美嘅地方。但終究資本主義下我呢啲底層都有機會鋸吓a5 牛扒﹐目前都仲有scarcity下真係算係咁
啱既。資本主義制度係有佢自我修復既能力,不過我始終非常不齒佢用人既劣性去建設世界。佢令人富有,亦都鼓勵左人不擇手段。
你要鋸和牛鋸港女,你先要鋸一班阿公阿婆既棺材本,鋸自己既堅持理想夢想。
不過呢樣野真係好難,我上面講,要過渡去共產,我認為唔係革命,係當物質已經多到令人既感官麻目,人都會覺悟,有個道德既覺醒。所以先會出現上面提到既時代精神。
另一點。
賺到錢嘅本質係你做緊嘅嘢符合社會呢一刻嘅需求﹐所以個社會會獎勵你;錢﹐as a token of gratitude﹐係最常見嘅方式。
呢個模式有兩個問題
一﹐需求係社會入面嘅人定﹐入面本身愈多錢嘅人嘅需求會愈significant。咁會出現好多自私嘅需求。而社會嘅生產力亦會傾向佢地到
二﹐果個需求係當刻嘅。未來嘅需求係冇直接反映出嚟。其實咁樣係ok亦都合理。但必需要有足夠嘅人當刻抱有長遠發展嘅需求
會唔會過份美化咗呢?地溝油當食油賣賺到錢,屯積居奇賺到錢,偷呃拐騙賺到錢,作奸犯科賺到錢
係我用字美化咗。我意思上冇為資本主義辯護。 講起嚟同一個意思可以反轉睇。我有錢啫係我係受到社會嘅認可,而唔駛理我啲錢點嚟
呢個係佢唔完美嘅地方,而我亦都唔會去為之狡辯。
地溝油我可以咁解,我生產地溝油去切合社會對平油嘅需求,我會收到更多tokens因為我用咗個更低成本嘅方法去生產。我屯積居奇係我自己一個特登煲大咗其他人嘅需求從而喺個社會到攞更多嘅tokens.
資本主義係鼓勵你用更有效更低成本嘅方法去生產從並啱啱足夠咁去滿足需求的。個需求可以係夠飽就得,亦可以係好精致嘅食物。但都係你做得愈平係愈受鼓勵的。但呢個時候眾人就有咗對長遠健康嘅需求,所以會有需求並提出有regulations去管制呢啲會害到人健康嘅嘢嘅生產。側面可以睇到點解環境嘅管制成日都俾人拖延俾人無視,因為太長遠嘅嘢好多人係基乎冇呢個需求去做番好的。呢個絕對係一個弱點,如果人本身短視,社會嘅需求亦唔會有遠見得去邊。例子嘅話我地望出窗已經睇到。
所以馬鹿巴講得有道理,我地嘅精神實在太有待改進。
另外偷呃拐騙呢個point真係切得中,特別係偷同拐。但我會去諗,唔理你個token 點嚟唔係佢惡嘅地方,而係佢缺乏咗對善惡嘅判斷。
但我會去講,思考善惡從來都唔係制度、AI 去做嘅嘢,頂盡佢地只係去幫我地去執行。去思考善惡,同思考機器工作嘅意義。只有我地自身先做到,絕不能假手於物。
雖然我同義你嘅論點:要由我地自身先做到,絕不能假手於物
但我想提一個例子:資本主義可以堀起,其實都係因為industrial revolution, 大量嘅機器釋放左限於農地工作嘅農民/奴隸,可以投入工廠進行大量生產,為資本主義、自由市場打下左基石,算唔算係一個機器改變社會形態嘅例子?當然,金融/法律上人類都做左好多改變。咁AI可唔可以做到呢一步?成為各方面改革嘅catalyst?
人面對AI同機械既步步進逼,
人每每後退,唔知會退到係邊到立足?
高地?容立到全部人?全部人都上到去?
好睇人既堅持同意志