我都係推崇AI接手大部分工作,但咁多人,好難大家都有能力專注藝術、尖端科技,相信大部分人都會當興趣去做,而唔係真係推動到世界,因為AI勁過絕大多數人。
當多數技術都俾電腦超越,「人性」就係我地唯一有用嘅嘢。
「人性」係好虛無縹緲嘅嘢,其實人做到嘅,AI都會做到,即使係感情、心理,但有d野你知佢唔係由人去做嘅時候,就總會有少少唔舒服。
老師就係個例子,如果學生日日喺屋企對住電腦就學到野,甚至有AI機械人管+照顧,可能效率係極高。
但問心,有幾多人接受到下一代喺個咁嘅環境成長?俾我揀就實揀學生妹作伴嘅學校。
我諗,到時你至少需要個班主任,每日返學睇住你,有人熟悉班中每個學生,上堂講下on9野,恥笑下某同學,講下人生經歷,但實際上佢只係睇住你,教書多數都係靠software俾嘅exercise。
又例如餐廳,快餐店可以一切自動,但仲需要d普通餐廳,請返d人serve你,即使餐唔係佢捧,錢唔係佢收。但如果你入餐廳嘅時候有人招呼你,帶你入去,問你想食d咩,感覺都會親切d。
仲有,正如今日都仲有人食手打烏冬,乜乜咖啡,手工製乜乜,有時人係會想要返手工嘅感覺,即使機器可以模仿到。當然,可以開鋪得嚟有人幫襯,應該係極少數,希望嗰時鋪租會平。
喺我理想嘅世界,大家應該要有basic income,至少夠大家唔洗日日食m記,得閒睇下戲、唱下k,醫療之類應該要福利cover。但要高價娛樂,咁可能真係要返下part time儲錢。
到時大家可以行行企企扮工,儲錢去旅行、買車、買game,不過少左生存嘅壓力,應該更易有真正自由。
利申,粗體係方便你地速讀,唔係話覺得自己好有道理