算喇，呢啲嘈唔完，如果唔鐘意人地唔粉嘅話直接block左味算，認真。有粉開嘅自然慣左粉，冇粉開嘈極都唔會粉，老實講就算今日投票話以後要粉，但都可以有人唔粉架，因為你冇可能控制到人地
一早就話做好自己本分算
再加上依家叫人粉唔粉嘅出發點已經變左質
幾乎都冇人出黎投訴過話比人劇透
但係總有人出黎渣住頭post個規則黎說教
人係生嘅 規則係死嘅
利申 有粉開 每次都係睇完先入post講野
出發點一路都係希望粉字唔好劇透到人
因為我之前係比人劇透過所以對於我黎講唔好劇透真係好重要
唔明邊度變質
再者我唔見到有人說教
如果你係想講我既就麻煩你開名講
不過我其實只係希望大家可以粉字造成不必要既劇透
而且我係唔明堅持唔粉字既原因係咩
除左你之前都有人拎住頭post規則玩過 所以唔係剩指你
掉返轉諗 2017年仲要係度堅持舊人留落黎嘅規則係冇乜意義
依家擺到明就係多人唔like粉字 頭post所謂規則都係約定俗成嘅事
咁呢個post內支持唔粉/粉唔粉都冇所謂嘅人多於想人粉嘅
係咪時移世易 應該要變下呢
咁希望下個po del左句野去
其實多唔多人都只係你講
最好就投票，咁就一定公正，除非有人無聊到用分身投咁我都無野好講
老實講句，唔鐘意被劇透嘅直接block左佢喇，都係果句習慣左嘅人就會繼續落去，冇習慣嘅人搞咩都唔會改變。
舉例咁講，當真係投左票喇，100贊成粉字，1票反對。當我係反對果位人士，我都可以下一集新出繼續唔粉架，呢度自由出入，你點阻我先。咁如果有人味睇入黎，見到我劇透佢唔鐘意就會block我，咁有啲人可能覺得劇唔劇透對佢冇影響，咁味由我。咁到最後個解決方法都係block人嘅話，何必要搞咁多野，搞黎都冇意思。個個禮拜都為呢啲野嘈，有意義咩
我覺得你自己未睇就係自己既責任，你話如果個topic劇透就一定有問題，但你明知入面係會討論緊最新未睇既野而你又禁入去既咁你一定要承受返依個風險。
我覺得冇理由因爲其他人未睇而去遷就驚劇透又要走入黎既人又影響其他人去討論，有新一集而又入得黎就一定會預左會見到新既討論，被劇透個責任一定唔會係我身上。
