我七年前開始剝，到而家四隻智慧齒都剝晒，但前前後後搞左我成五年先得，總共用左7100去剝呢四隻牙。
頭三隻分左兩次做，第一次剝晒右邊上下牙，其實一feel到痛同蛀蛀地就即刻去做，過程都好快搞掂。，但因為未係生得好出所以都要打麻醉藥同開刀，果下都覺得好痛，番屋企偷左老豆d啤酒當冰敷訓完一覺已經冇事可以正常食野。
一星期後諗住番去剝埋左邊，點知佢照X光之後話唔會同我做左下，因為橫生比大牙頂住再加勾神經線，佢唔想冒風險（剝得唔好會半邊臉癱瘓），於是淨係做左上邊隻牙，更快搞掂。完全冇痛既感覺，一出診所就去左買格仔餅食住走。呢三隻唔貴，總共用左$2100
之後就一直同剩番果隻搏鬥足五年，雖然牙醫話如果佢唔蛀牙唔痛完全可以唔駛理佢，但係始終果個位難刷到牙，於是果時基本係一放假就去睇唔同既牙醫照X光，但始終都係果句唔敢同你做，淨係寫轉介信叫我去睇菲臘牙科，話會唔會我個case有咩醫學價值可以比學生臨床觀察就會同我剝，但讀書番工根本抽唔開身去晨咁早排隊。
最後都死心諗住佢唔痛就算啦，唔好理佢，點知兩年前佢開始劇痛唔理唔得，終於有間親戚介紹既樓上牙科肯同我做，開價好似係三千幾，但佢話要分開幾次去做，幫我開刀先，然後隊支鑽入去鑽碎隻牙，然後等我既牙肉慢慢生，愈推愈高d碎片再慢慢分幾次鉗出黎，我聽完臉都青埋，但都照book個期左先。
最後有次呀媽撞到班三姑六婆吹水果時講起我個case，佢地又介紹左間牙醫話唔錯，好多名人都去睇咪去試下，果間雖然收得貴成$5000但好快手搞掂，入去都唔駛十分鐘，開刀剝牙縫針做晒，個牙醫仲叫埋成班靚女姐姐圍觀佢點剝我隻牙。之後再番多去一次比佢地拆線就得，雖然貴d都抵番，我d同事都問我點解唔幫襯三千幾果間，但我一諗到佢咁講既剝法就驚，寧願貴d安樂d。
正皮比你的心機
3000幾個間講到好恐怖
同埋佢做咁多野又要分幾次先收你3000幾都幾平😂
我仲有兩隻未剝，但估計應該唔會生出黎，唔理佢住先
真係經濟達人😂
