其實呢啲雀仔係街生活慣左就由佢回歸大自然啦,你捉左佢你又唔係獸醫,又醫佢唔到,佢面對咁大環境轉變,一陣個病仲差多兩錢重
佢係路中心你驚佢俾人踩,或者有其他危險,想搬開佢其實冇問題,但你搬去路邊啲草叢咪算
你咁樣湊佢返屋企又唔知你自己會唔會染病,有禽流感你就真係後悔都太遲
唔係下下都捉隻返屋企話神獸,影張相打個卡就算架樓主
呢樣真 你去睇下啲fb雀仔group
差唔多日日都有人"執"到雀就擺上去問 呢隻咩雀 隻雀食乜
你會唔會喺街見到個人類細路企定定就執番屋餵佢食焗豬排飯呀
你本身唔係獸醫 你又唔知隻雀做乜喺街發呆唔郁 就諗住佢一定係冇野食啦 餓暈啦 一定要快啲比野佢食 唔係就會餓死
其實啲野鳥天生怕人 對人類有好高警戒 好多時你會執到一隻雀嘅原因多數係隻雀有病/撞窗暫時暈咗/bb雀未識走佬
如果隻雀有病 你執番屋企餵佢食野唔會令佢好番
相反佢喺你屋企呢個陌生環境 對住你呢個人類 會覺得受威脅同壓迫 可能會加速死亡
而你餵嘅食物嘅種類 溫度 份量如果有些微差錯都會加速佢嘅死亡
等於你喺街見到有人暈咗/病咗瞓咗喺度 你唔會9衝去買個便當比佢食
我因為有養開鸚鵡 本身都鍾意雀仔 所以有加入啲雀仔group
我試過見到啲人係自己講到明隻bb雀行得走得 跳跳紥 亦都有雀喺附近叫 但係驚佢喺公園(細路)/馬路邊(車)好危險 就決定執番屋企養
人地因為細個 仲未識飛 未識走佬就比你一句"我要保護你"就捉人番屋企
本身佢可能跟緊老豆老母學搵野食 學避開危險 冇啦啦就比你拆散家庭 做乜撚野呀
最好笑係有人叫條友放番隻雀走 條友就會大條道理咁話放走隻雀會好危險 我唔可以睇住佢死 比我撞到佢就係我地嘅緣分 我會好好照顧佢 點解要放佢走
同時會有堆
廢佬鬧做人唔好咁冷血 隻雀仔喺外面一定會死 會屌番佢轉頭
結果就係隻雀會喺某人屋企"快快樂樂"咁生活落去
隻雀喺嗰人屋企食咩 冇人理
隻雀喺嗰人屋企住喺邊 冇人理
隻雀喺嗰人屋企死咗 冇人理
總之就係喺街見到雀就一定要執番屋企 話之佢有冇病 係唔係幼鳥
唔係嘅話你就係冷血冇人性