是咁的,小弟有位朋友(叫佢做A先啦),
佢未夠18歲,連16都未到。
A有時要係網上買野,冇credit card。
所以作為朋友嘅我,最初就借左我張credit card 嘅 number 比佢,
咁A都係搭下Uber,買下淘寶咁。最初就每個月出statement嘅時後就話返筆數比A聽,A當面比返現金我。
去到後期,我覺得好麻煩,次次都要約時間當面拎錢,又要搵銀行Bank in,然後再找數(小弟張卡係AE)。所以我就帶A去Circle K整左個PPS,但係所有資料我係唔知,因為A setup PPS果陣我次次都另埋一面,唔想睇到A啲資料密碼 etc etc. 果陣就幫佢enroll左網上PPS同入左我兩張AE,一張HSBC入去,因為除左AE,佢都會用我張HSBC Visa。
一直都相安無事,直到有一次出statement,一睇張單啲數勁亂(因為張卡我同A都會用,我怕撈亂啲數),見SC果陣做緊Asia Miles Credit Card嘅Promotion,就用我名出張新卡諗住比A用。雖然係我名,但我叫A當自己卡用,自己每個月定時定後PPS找數,順便幫我儲下Asia Miles。
直到五月開始,A同我講,Link左PPS戶口入面嘅錢無啦啦少左,最初係幾千幾千咁,後期去到過萬,每個月嘅statement都係寫PPS扣左,去嘅戶口都係A PPS入面enroll左嘅Credit Account(即係HSBC / 兩張AE),但係我對返我Credit Card嘅Statement,係冇收過個幾筆錢。
如事者我就打去PPS問,講完比佢地聽之後,個面啲CS就話查緊查緊,唔排除報警。咁我就同A講,果面查緊,應該冇咁快。但係呢個情況係6月7月8月都有發生,但當中除左我嘅HSBC / 兩張AE外,仲有佢手上嘅SC。咁我一直有幫佢follow up,佢地就一味同我講查緊,有心想拖咁樣。
A就因為怕事,冇同屋企人講。直到前幾日,佢老豆唔小心開左佢封statement,見到就話馬上報警。我叫佢唔好,最重要嘅問題係即使未知發生咩事都好,所有收益嘅credit card戶口都係我名,好簡單利益關係,差佬見到所有野都係去我名嘅戶口,會點諗。我就同A講,比我同你老豆直接傾,我連我銀行statement都預備好。
就係今日佢老豆去左差館,報左警,我聽到馬上帶埋我啲statement去警處,雖然話就話現階段搵唔到咩野證據,但係我真係好向左走向右走驚,有冇人幫到我