香港呢幾年經過咁多事
由一開始冇咩關心政治/時事
到928雨革等開始留意同著緊香港呢個地方
再到上年立法會選舉
自己對呢個地方愈黎愈上心
都開始睇多左野 識睇唔同立場
呢幾年黎最感受到既係無力感
一開始岩岩接觸 雄心壯志 想為改變出一分力
要改變 自己就要為呢個社會付出
付出左 又如何?
除左滿足左自己"盡一分力"呢個念頭之外 仲有啲咩係得到?
革命唔係一次就成功 聽到耳仔都臭
但斷估唔係每次都用同樣既方式 就叫革命呀?
無力感過後 頹左一排
見到今次好似好大單野 會有好大迴響
雖然明知都係會被騎劫 都係咩成果都唔會有
但都仍然抱希望 希望可以喚醒更多香港人
去到灣仔 見到真係好多人
一開始仲覺得有希望 會有啲成果
一路行 愈黎愈暢順 都覺得路對路
去到終點 竟然完全冇任何集合 等啲人就咁散去
淨係見到啲笑口西西既人拎住個箱叫你課金
感覺就好似玩完海洋公園/迪士尼既一個遊戲之後行出去就係souvenir shop咁叫你買野消費
無錯係有人係台講野 但啲人多數聽一陣就走
大佬呀 難得咁多人 咁都唔留住?
叫佢地坐又好行又好企又好 指個範圍比人集合下都好丫
行左3個地鐵站 完全感受唔到任何成果 都唔覺得政府會有咩壓力
相信好多人都有同感
咁就浪費左呢次既多人
下次有咩事 啲人覺得出黎又淨係鳩行兩三個鐘 仲會唔會出黎?
雖然本身都唔預會有咩突破性成果
點知仲要退步左
諗住出黎提升下自己意志就算
點知連自己都打沈埋
歡迎大家too long didn't read
志在自己抒發下 順便紀錄自己既感覺
聽日太陽照常升起 訓醒聽日繼續番工