[三年屯門ROLLER團]之召喚所有熱血ROLLER人

唔知有冇人有興趣踩ROLLER/一直都有踩 只不過以前屯門/元朗/天水圍搵唔到人踩而迫不得已去其他地方搵人踩呢?

可能以前係咁 但而家既你絕不孤單
我以前都係成日一個人玩 因為係呢個小區域玩既人兩隻手數得哂
但係當我每日都落埸玩既時候 開始識到一班志同道合既人
根住我地自己再開左個ROLLER GROUP
一開始只係得小貓三四隻 但而家係我地大家既努力之下不斷壯大
唔同時段 只要唔落雨都搵到人踩 甚至係凌晨都可以搵到人陪你周圍去
所以如果你住屯門附近 而因為返工/學業或者其他因素覺得出去周圍踩好麻煩 歡迎你加入我地

我地係一班業餘既ROLLER發燒友
每晚係個埸到傾下計 HEA下 周圍踩吹下風 去食下野
我地唔會有架子 唔會SELL你地買野 唔會SELL你地入班
因為我地冇鋪頭 冇開班 有既係屯門公園呢個ROLLER埸
只要你肯學 我地肯教

係我地個GROUP到既人好多一開始都係新手 我地睇住佢地不斷進步
由一開始只係兩三條友踩街 到最多有十六七個人一齊踩
平花 剎車 極限 凈踩街各有人玩
歡迎各種玩法 各種交流

有興趣既係我地既FACEBOOK PAGE PM留低你既電話+點叫你 我會加你入我地既GROUP
https://www.facebook.com/tmrollerskating?ref=hl
希望係真心玩 而唔係當我地個GROUP係5P交友GROUP 呢類人會直接踢
同埋加完唔出黎玩/係咁賣廣告既煩膠一樣會踢

如果你有朋友係住屯門又或者屯門附近想搵人一齊踩ROLLER
希望你可以比呢個POST佢睇
因為見到最近有D流浪ROLLER友深宵自己玩
想學野我地會教你
後生仔又好 大人又好 父母想捉個仔女黎玩又好
不成功 不收費 不過成功左都不收費 想多謝我地咪請支可樂 或者帶支啤酒啤啤佢

如果唔想俾電話既話
可以每逢星期五晚9點之後黎屯門公園ROLLER埸搵我地
又或者係街見到有人踩緊ROLLER叫停佢吹水問野 多數都係我地既人

Q: ROLLER係咪有好多種唔同玩法?

A: 無錯 ROLLER除左就咁勁踩之外仲有好多玩法
https://www.youtube.com/watch?v=FEnOPFQlD9A 呢種係Aggressive
https://www.youtube.com/watch?v=CWor7T9NUOE 呢種係花式過樁(Slalom)
https://www.youtube.com/watch?v=7qDqh-wvElc 呢種係花式剎車 (Slide)
https://www.youtube.com/watch?v=cojSRhxA2-4 踩街都可以踩得好型

Q: 如果我想學花式既話應該去邊到?

A: 基本上上面既片簡單既花式我地都可以教到你(例如簡單既平花 踩街既跳轉180度/360度) 所以如果你不求專業 只係業餘興趣間唔中先會玩下既可以JOIN我地 簡單既平花我地都有幾個人練緊 我自己本身玩開剎車不過練到悶悶地都開始練平花 有興趣可以黎一齊學或者高手黎指教下我地呢班新人

剎車方面因為香港冇咩人玩 而小弟亦都好不幸既鐘意玩呢樣野 所以都好努力學緊 如果搵唔到人教你既話歡迎黎搵我教你 或者另外約個時間出黎一齊交流下 剎車方面如果我地都教你唔到你就要返大陸學了


Q: 玩ROLLER危唔危險架?

A: 其他唔危險 只要你戴足護具( 護手 護膝 護肘) 如果你仲係驚死既可以戴埋頭盔同籃球果種防跌褲 咁樣你想傷都難

Q: 如果有時我想自己玩既話應該如何入手?

A: 呢段鬼佬片有齊哂咁多基本野
https://www.youtube.com/watch?v=L8Gs_eyIPFA 如果你黎問既話我地可以親自示範比你睇同直接教你

Q: ROLLER係咪廢青夜青先會玩?因為比我既印象唔太好

A: 我地有D人會食煙 講粗口 但係人品唔會差得去邊 各行各業既人都有
有裝修佬 文員仔 打政府工既人 炒散 中學生 大學生等等 或者我地唔係返咩專業既工 但係對於一樣業餘既興趣黎講呢樣野我覺得唔太重要

Q: 踩ROLLER係咪冇可能係街到踩既呢?

A: 絕對踩到 正如上面條片一樣 我地有時候都會周圍街 不過有D技巧一定要學 例如T剎 轉彎等等 令到你同埋其他行人可以安全D
雖然香港又窄又多人 但係我地主要係夜晚踩 所以人都唔會多得去邊

Q: 你地會唔會好小圈子?又或者排斥其他人?

A: 如果你係肯踩肯學就一定可以融入到我地 如果少出聲果D我地都會盡量去R下水吹 只不過我自己係真毒向左走向右走 所以有時都唔係好敢去R水吹

如果有興趣既歡迎所有人黎一齊玩 我地每個星期五晚都會有聚會 我通常都會去練SLIDE 都有人練平花

有其他關於ROLLER方面既問題都可以係到問 我會盡量答你
有興趣一齊既就PM我你既電話
唔想比電話可以直接星期五晚一齊黎玩

Q: 如果我要買鞋應該去邊到?

A: 係淘寶買最平四五百就有交易 鞋碼方面好少會比錯 最多只會錯色

我地自己既PAGE: https://www.facebook.com/tmrollerskating?ref=hl
第一條宣傳片:
https://www.youtube.com/watch?v=6SpoQujOZHg

落手落腳拍比起想像中難好多 所以有好多改善既空間
睇返以前拍既野都覺得ON9 原來眨下眼已經三年

自家出品既中級剎車片
https://www.youtube.com/watch?v=t1C_wx1TiTk C級 花式剎車-Savanna
https://www.youtube.com/watch?v=ue18Dcxsjk0 C級 花式剎車-Acid Toe Wheeling

https://www.youtube.com/watch?v=hKNM3J7hy6Q B級 花式剎車-Toe Toe Unity

https://www.youtube.com/watch?v=b9cTI9_2umY A級 花式剎車-Toe Toe Cross Parallel

https://www.youtube.com/watch?v=8TTVgobKYQk B級 花式剎車-Back Slide

https://www.youtube.com/watch?v=MaURt59TmNs A級 花式剎車-變態恩歲

https://www.youtube.com/watch?v=rI69dqKTGWk B級 花式剎車-UFO

https://www.youtube.com/watch?v=mye2IyUoQI8 輕鬆片

都係d剎程普通既花式 之前去左維園roller埸玩興起拍左幾段
之後會再拍多d

有咩問題PM問又得 呢到問又得 係PAGE PM我地都得 (想睇本土出產既剎車片可以留名叫我地試一試 不過有好多都唔得 因為我地唔識 來來去去都係果幾招扮叉燒仔)
CD ROM可以係FB PAGE到PM

最近大家技術進步左 所以籌備緊一條全新既宣傳片
https://youtu.be/atxDOKSQPbM
https://youtu.be/XaDRqTtPGHE
以上係其中幾條試緊既SHOT 不過仲未係拍到最滿意

我係九龍玩

不過我想問新手去淘寶買大碌速滑鞋好唔好？

大約八百元人仔

因為我鍾意快